ગંભીર સમસ્યા / હવે નહીં બચી શકે પાકિસ્તાન! ડોલર તો ખતમ પણ હવે તેલ રિફાઇનરી પણ બંધ, અર્થતંત્રનું દેવાળું ફૂંકાયું 

• ભારતનો પાડોશી દેશ પાકિસ્તાનની મુશ્કેલીમાં સતત વધારો
• પાકિસ્તાનનો વિદેશી મુદ્રા ભંડાર ખતમ થવાના આરે 
• પાકિસ્તાનની સૌથી મોટી ઓઈલ રિફાઈનરી તાળા લાગી ગયા
• ડૉલરના ઘટાડાને કારણે પાકિસ્તાની રૂપિયાની કિંમતમાં સતત ઘટાડો 

ભારતનો પાડોશી દેશ પાકિસ્તાનની મુશ્કેલીમાં સતત વધારો થઈ રહ્યો છે. વાત જાણે એમ છે કે, પાકિસ્તાનનો વિદેશી મુદ્રા ભંડાર ખતમ થવાના આરે છે. ડૉલરની અછતને કારણે ઓઈલ કંપનીઓએ હાર માની લીધી છે અને ક્રૂડ ઓઈલની ઉપલબ્ધતા ન મળવાને કારણે પાકિસ્તાનની સૌથી મોટી ઓઈલ રિફાઈનરી તાળા લાગી ગયા છે. ડૉલરના ઘટાડાને કારણે પાકિસ્તાની રૂપિયાની કિંમતમાં સતત ઘટાડો જોવા મળી રહ્યો છે. જો ઓઈલ રિફાઈનરી જલ્દી શરૂ નહીં થાય તો થોડા જ દિવસોમાં અર્થવ્યવસ્થા પડી ભાંગશે અને પાકિસ્તાન ડિફોલ્ટર જાહેર થઈ જશે.

પાકિસ્તાનમાં ગયા વર્ષે પૂરને કારણે મોટી સંખ્યામાં રસ્તાઓ અને પુલ નષ્ટ થયા હતા. આ કારણે ઓઈલ કંપનીઓને ક્રૂડ ઓઈલ લાવવામાં ઘણી મુશ્કેલીનો સામનો કરવો પડ્યો હતો, જેના કારણે ઓઈલ કંપનીઓની કિંમત વધી ગઈ હતી. આ વખતે તેલ કંપનીઓને $4.6 બિલિયનનું નુકસાન થયું છે. આવી સ્થિતિમાં જો કાચા તેલ રિફાઇનરી સુધી જલદી નહીં પહોંચે તો પાકિસ્તાનમાં હાહાકાર મચી શકે છે.

ક્યારે આવશે ક્રૂડ ઓઈલ ?
પાકિસ્તાનની સૌથી મોટી ઓઈલ રિફાઈનરી એનર્જીકોએ 31 જાન્યુઆરીએ પાકિસ્તાન સરકારને એક પત્ર લખીને જણાવ્યું હતું કે, ક્રૂડ ઓઈલ ખતમ થઈ ગયું છે અને ક્રૂડ ઓઈલ આવ્યા બાદ જ કામ ફરી શરૂ કરવામાં આવશે. જો ક્રૂડ ઓઈલના જહાજો અહીં પહોંચે તો 10 ફેબ્રુઆરીથી કામ શરૂ થઈ શકે છે. મહત્વનું છે કે, Cenergieco રિફાઇનરી દરરોજ 156,000 બેરલ ક્રૂડ ઓઇલ રિફાઇન કરવાની ક્ષમતા ધરાવે છે. ઓઇલ કંપની એડવાઇઝરી કાઉન્સિલ (OCAC) અનુસાર જો ક્રૂડ ઓઇલની આયાત તાત્કાલિક ગોઠવવામાં નહીં આવે તો ઉદ્યોગ બરબાદ થઈ જશે.

તો શું હવે IMF તરફથી મળશે મદદ?
પાકિસ્તાન IMFની મદદની રાહ જોઈ રહ્યું છે. જોકે પાકિસ્તાનને IMF તરફથી કોઈપણ પ્રકારની આર્થિક મદદ મળે તેવી શક્યતા નથી. પાકિસ્તાને ઘણી વખત IMFને આર્થિક મદદ માટે અપીલ કરી છે. જોકે IMFએ પાકિસ્તાનને તેનો ખર્ચ ઘટાડવાની સલાહ આપી છે. IMFની શરતો સ્વીકારવાને કારણે પાકિસ્તાનમાં પણ મોંઘવારી વધી છે. જોકે હાલમાં IMFની ટીમ પાકિસ્તાનમાં છે અને સમીક્ષા બેઠક કરી રહી છે. જો પાકિસ્તાન સમીક્ષા બેઠકમાં IMFની તમામ શરતો સ્વીકારવા તૈયાર થાય તો તેને 7 અબજ ડોલરની મદદ મળી શકે છે.