પાકિસ્તાનના એક પૂર્વ સૈન્ય અધિકારીએ કરેલા દાવાએ આખા દેશમાં ભુકંપ સર્જ્યો છે, પાક સેનાના એક નિવૃત્ત જવાને, પૂર્વ સૈન્ય અધિકારીએ નિવૃત્ત જનરલ બાજવા અને પૂર્વ ISI હેડને લઈને સનસનીખેજ ખુલાસા કર્યા છે
પાકિસ્તાનના કાળા કરતુતનો થયો ખુલાસો
પૂર્વ પાક સૈનિકે કર્યો હની ટ્રેપનો ખુલાસો
હની ટ્રેપ માટે પાકિસ્તાની મોડેલનો ઉપયોગ
બરબાદીના આરે આવીને ઉભેલું પાકિસ્તાન હવે ચોતરફથી ઘેરાઈ રહ્યું છે. આતંકવાદીઓને ઉછેરીને મોટા કરનાર પાકિસ્તાન માટે હવે આતંકી સંગઠન TTP માથાનો દુઃખાવો બની રહ્યું છે.
પાકિસ્તાની તાલિબાન નામના આતંકી સંગઠને પાકિસ્તાનને ચેતવણી આપી છે કે જો અમારી સામે આકરા પગલા લેવામાં આવ્યા તો અમે પાકિસ્તાનના ટોચના નેતાઓને નહીં છોડીએ અને તેમના પર હુમલા કરીશું. ખાસ કરીને પાકિસ્તાનના સત્તાધારી પક્ષો પીએમએલ-એન અને પીપીપીના નેતાઓને ટાર્ગેટ કરવાની ધમકી આપી છે. તેમજ પાકિસ્તાનના કાળા કરતુતનો અન્ય પણ એક મહત્વનો ખુલાસો થયો છે.
અહમદ યાસિરએ ટ્વીટ કરી
તાલિબાનના એક અધિકારી અહમદ યાસિરએ ટ્વીટ કરીને પાકિસ્તાનને 1971ના યુદ્ધની યાદ અપાવી દીધી. યાસિરએ પાકિસ્તાનની ધમકીઓ પર 16 ડિસેમ્બર 1971ના યુદ્ધની એક તસવીર પોસ્ટ કરી. યાસિરે કહ્યું કે જો પાકિસ્તાન, અફઘાનિસ્તાન પર હુમલો કરે છે તો 1971નું યુદ્ધ ફરીથી યાદ કરાવાશે. પાકિસ્તાની સેનાએ વધુ એક યુદ્ધ હારવાથી બચવા માટે ફઘાનિસ્તાનથી દૂર રહેવું જોઈએ.
પાકિસ્તાનની શહબાઝ શરીફની સરકારનો આરોપ છે કે અફઘાનિસ્તાન ટીટીપી આતંકવાદીઓને શરણ આપી રહ્યું છે. પાકિસ્તાને અફઘાનિસ્તાનમાં ઘુસીને ટીટીપીનો સફાયો કરવાની ચેતવણી આપી હતી. જેની સામે તાલીબાન હવે પાકિસ્તાનને ધમકી પર ધમકીઓ આપી રહ્યું છે.
પાકિસ્તાનના કાળા કરતુતનો થયો ખુલાસો
આર્થિક સંકટનો સામનો કરી રહેલા પાકિસ્તાનની મુશ્કેલીઓ ઓછી થવાનું નામ નથી લઈ રહી. હવે પાકિસ્તાનના એક પૂર્વ સૈન્ય અધિકારીએ કરેલા દાવાએ આખા દેશમાં ભુકંપ સર્જ્યો છે. પાકિસ્તાની સેનાના એક નિવૃત્ત જવાને, પૂર્વ સૈન્ય અધિકારીએ નિવૃત્ત જનરલ બાજવા અને પૂર્વ ISI હેડને લઈને સનસનીખેજ ખુલાસા કર્યા છે.
પૂર્વ પાક સૈનિકે કર્યો હની ટ્રેપનો ખુલાસો
હાલ લંડનમાં રહેતા ભૂતપૂર્વ સૈન્ય અધિકારી અને સોસાયટી ઑફ એક્સ-સર્વિસમેનના પ્રવક્તા મેજર નિવૃત્ત આદિલ રાજાએ આરોપ લગાવ્યો છે કે, પાકિસ્તાન આર્મીના ઉચ્ચ અધિકારીઓએ અભિનેત્રીનો ઉપયોગ દેશના ટોચના નેતાઓને હની ટ્રેપ કરવા માટે કર્યો હતો. આદિલ રાજાએ પૂર્વ આર્મી ચીફ જનરલ કમર જાવેદ બાજવા અને પૂર્વ ISI ચીફ જનરલ ફૈઝ પર પણ ગંભીર આરોપ લગાવ્યા છે. ભૂતપૂર્વ સૈનિકના જણાવ્યા અનુસાર, બાજવા અને ફૈઝ અભિનેત્રીઓને ગુપ્તચર એજન્સીના હેડક્વાર્ટર અથવા સેફ હાઉસમાં બોલાવતા હતા અને તેમની સાથે શારીરિક સંબંધો બાંધતા હતા.
રક્ષા નિષ્ણાંતોએ પણ ચિંતા વ્યક્ત કરી
રિટાયર્ડ આર્મી મેન આદિલ રજાના આ ખુલાસા બાદ ભારતના રક્ષા નિષ્ણાંતોએ પણ ચિંતા વ્યક્ત કરી છે. નિષ્ણાંતોનું કહેવું છે પહેલા પણ આવા અનેક કિસ્સા સામે આવી ચુક્યા છે. દુનિયામાં આવા ઘણા કિસ્સા છે. પહેલા અને બીજા વિશ્વયુધ્ધમાં દુશ્મનની ટોપ સિક્રેટ માહિતી કઢાવવા મહિલાઓનો ઉપયોગ થયો હતો. આ જ હથકંડો પાકિસ્તાન પણ ભારતના નેતાઓ, DRDO, ISRO, BDL, આર્મી, નેવી અને એરફોર્સના લોકો સામે વાપરે છે
આદિલ રાજાના આ ઘટસ્ફોટ બાદ પાકિસ્તાનમાં ભૂકંપ આવી ગયો છે. ભ્રષ્ટાચારથી ખરડાયેલા પાકિસ્તાની નેતાઓની નૈતિક ભ્રષ્ટતા પણ હવે સામે આવી રહી છે. અને પાકિસ્તાન ચોતરફથી પસ્ત થઈ રહ્યું છે.