Saturday, August 24, 2019
સબસ્ક્રાઈબ કરો VTVGujarati ન્યુઝ Whatsapp

નિર્ણય / કાશ્મીરથી 370 હટાવ્યા પર PAK થયુ બેચેન, થિયેટર્સમાં લગાવ્યો ભારતીય ફિલ્મો પર પ્રતિબંધ

કાશ્મીરથી 370 હટાવ્યા પર PAK થયુ બેચેન, થિયેટર્સમાં લગાવ્યો ભારતીય ફિલ્મો પર પ્રતિબંધ

પાકિસ્તાનના લોકો હવે બોલિવુડની ફિલ્મની નહી જોઇ શકે, કેમકે ભારતીય ફિલ્મોને પાકિસ્તાનમાં બેન કરી, રિલીઝ ના કરવાનો નિર્ણય લેવામાં આવ્યો છે. આ પાછળનું કારણ મોદી સરકાર દ્વારા કાશ્મીરથી આર્ટિકલ 370 હટાવવાનું છે.

રિપોર્ટ્સ અનુાસર, પાકિસ્તાની ફિલ્મ થિયેટર્સમાં હવે ઇન્ડિયન ફિલ્મ્સ નહી બતાવવામાં આવશે. આ વિશે પાકિસ્તાનના પ્રધાનમંત્રી વિશેષ સલાહકાર ડો ફિરદૌસ આશિક અવાનાએ નિવેદન આપતા કહ્યુ કે, ''કોઈ પણ ભારતીય ફિલ્મનું સ્ક્રીનિંગ પાકિસ્તાનમાં થઈ શકશે નહીં. એક પોલિસી હેઠળ ભારતીય પરંપરાઓ બતાવતા કોઈ પણ પ્રકારના કન્ટેન્ટનો પાકિસ્તાનમાં પ્રતિબંધ મૂકવામાં આવ્યો છે.'' તેમણે એમ પણ કહ્યું હતું કે, ''આ નિર્ણય કાશ્મીરીઓના સપોર્ટમાં પાકિસ્તાને લીધો છે.'' પરંતુ માનવામાં આવી રહ્યુ છે કે, માત્ર પાકિસ્તાનને નુકસાન થશે. 

 

પાકિસ્તાનને આર્થિક મુશ્કેલી થઇ શકે છે અને સાથે જ પાઇરસીની ખતરો પણ વધી શકે છે. પાકિસ્તાને બોલિવુડ ફિલ્મોને રિલીઝ ના કરવાના નિર્ણયની સાથે ભારત સાથે વ્યપારિક સંબધો પણ ખત્મ કરી દીધા છે.

ઉલ્લેખનીય છે કે, આ જ વર્ષે જ્યારે પુલવામા હુમલા પછી ભારતના ફિલ્મ પ્રોડ્યુસર્સે નિર્ણય લીધો હતો કે, તેઓ પાકિસ્તાનમાં પોતાની ફિલ્મો રિલીઝ કરશે નહી. અનેક ફિલ્મ મેકર્સે પાકિસ્તાનમાં ફિલ્મ રિલીઝ ના કરવાની જાહેરાત કરી હતી. આટલુ જ નહી બાલાકોટ આંતકી હુમલાથી રોષે ભરાઇને ફિલ્મ ઇન્ડસ્ટ્રીએ ભારતીય ફિલ્મ્સના પાકિસ્તાનને કલાકારોને ના લેવાની અપીલ કરી હતી. 

આર્ટિકલ 370 હટાવ્યા બાદ પાકિસ્તાનના કલાકારો ઘણાં જ ગુસ્સામાં છે. આતિફ અસલમ, માહિરા ખાન સહિત તમામ પાકિસ્તાની કલાકારોએ કાશ્મીરમાં ભારતે જે કર્યું, તેની ટીકા કરી છે. 

ઉલ્લેખનીય છે કે ભારત સરકારે જમ્મુ કાશ્મીરમાં આર્ટિકલ 370 હટાવ્યા બાદ લદ્દાખને જમ્મુ કાશ્મીરથી અલગ કરીને કેન્દ્રશાસિત પ્રદેશ બનાવ્યો છે. જ્યારે જમ્મુ કાશ્મીરને રાજ્યમાંથી કેન્દ્રશાસિત પ્રદેશ બનાવ્યો છે.

જોવા જેવું વધુ જુઓ

બ્રેકિંગ ન્યૂઝ