કોંગ્રેસે સાઉદી અરબના યુવરાજ મોહમ્મદ બિન સલમાનને પ્રોટોકોલ તોડી નરેન્દ્ર મોદીએ સ્વાગત કર્યુ હતું. મોદીએ સાઉદી અરબના ક્રાઉન પ્રિંસ મોહમ્મદ બિન સલમાને ગળે મળીને તેમનું સ્વાગત કર્યું હતું. આ મામલે કોંગ્રેસે વિરોધ કર્યો હતો. પ્રિન્સ પાકિસ્તાનની મદદ કરીને આવેલા હોવાના કારણે કોંગ્રેસે મોદી પર પ્રહાર કર્યા હતા. જોઈએ આ અંગેનો અહેવાલ.
કોંગ્રેસે સાઉદીના પ્રિન્સનું ગળે મળીને સ્વાગત કરવાનો વિરોધ કર્યો છે..આ મામલે કોઁગ્રેસના પ્રવકતા રણદીપ સૂરજેવાલાએ મોદી પર આકરા વાર કર્યા હતા. તેમને કહ્યુ કે શું પાકિસ્તાન અને કથિત આતંકવાદ વિરોધી પ્રયાસોના વખાણ કરનાર વ્યક્તિને ગળે લગાવી પુલવામાના શહીદોને યાદ કરવાની મોદીની આ પદ્ધતિ છે? પ્રધાનમંત્રી સાઉદી અરબને કહે કે તેઓ આતંકવાદ વિરોધી લડાઇને લઇ પાકિસ્તાનના વખાણ કરનાર સાથે સંયુક્ત નિવેદનથી પોતાને અલગ કરે. વધુમાં સુરજેવાલાએ બિન સલમાન અને મોદીના ગળે મળનાર તસવીરો અને પાક-સાઉદીના સંયુકત નિવેદનની લેખિત માહિતી શેર કરતાં ટ્વીટ કરી હતી. જેમણે પાકિસ્તાનને 20 અબજ ડોલર આપવાનું વચન આપ્યું અને પાકિસ્તાનના આતંકવાદ વિરોધી પ્રયાસોના વખાણ કર્યા હતા.
મોદી જી શું તમે સાઉદી અરબને કહેશો કે તેઓ પાકિસ્તાનની સાથે રજૂ કરેલા સંયુકત નિવેદનથી પાછળ હટી જાય. જેમાં મસૂદ અઝહરે વૈશ્વિક આતંકવાદી જાહેર કરવાની ભારતની માંગણીને લગભગ નકારી દીધી છે. ઉલ્લેખનીય છે કે મોહમ્મદ બિન સલમાને આગમન પર પ્રધાનમંત્રી મોદીએ પ્રોટોકોલથી અલગ હટતા જાતે જ તેમણે આગેવાની કરી. સાઉદી અરબના યુવરાજ ભારતની પહેલી દ્વિપક્ષીય યાત્રા પર આવ્યા છે. આ પહેલાં બિન સલમાન પાકિસ્તાનની યાત્રા પર ગયા હતા. જ્યાં બંને દેશોની વચ્ચે 20 અબજ ડોલરની સમજૂતી પર હસ્તાક્ષર કર્યા હતા