એર સ્ટ્રાઇક / બાલાકોટને લઇ દુશ્મન દેશનું વધુ એક જુઠાણું, 4 વર્ષ જૂનો વીડિયો કર્યો શેર

ગોળા-બારૂદ સિવાય ખોટું બોલવું અને છેતરપિંડી પણ વર્ષોથી પાકિસ્તાની સેનાનું હથિયાર રહ્યું છે. પાકિસ્તાન સેનાના પ્રવક્તા મેજર જનરલ આસિફ ગફુર (Asif Ghafoor) ભારત વિરૂદ્ધ વધારી ચડાવીને આ હથિયારનો ઉપયોગ કરે છે. ગફુરે ભારત વિરૂદ્ધ એક વાર ફરીથી છેતરામણીનો ઉપયોગ કર્યો છે. આસિફ ગફુરે ઇન્ડિયન એરફોર્સના એક રિટાયર્ડ ઓફિસરના એક જૂના ઇન્ટરવ્યૂનો હવાલો આપતા કહ્યું કે, ભારતનાં એક પૂર્વ એરફોર્સ અધિકારી એમ કહી રહેલ છે કે 27 ફેબ્રુઆરીના રોજ ભારત-પાકિસ્તાન વચ્ચેની ટક્કરમાં ભારત અસફળ રહ્યું હતું.

આસિફ ગફુરે 4 વર્ષ જૂના આ ઇન્ટરવ્યૂનો એક વીડિયો પોતાના સોશિયલ મીડિયા એકાઉન્ટ પર નાખ્યો છે. આ વીડિયોને તેઓએ જેવું પોતાના ટ્વિટર એકાઉન્ટ પર શેર કર્યુ કે તુરંત મિનીટોમાં જ તેમનો જુઠાણાંનો ખુલાસો થઇ ગયો. જ્યારે આ વીડિયોને સર્ચ કરવામાં આવ્યો ત્યારે માલુમ થયું કે, આ વીડિયો વર્ષ 2015માં યૂટ્યૂબ પર નાખવામાં આવ્યો હતો.

Admission of Indian failure and losses on 27 February 2019 by a well decorated Indian Airforce veteran Air Marshal Denzil Keelor.#Surprise pic.twitter.com/uTeErbucCl

— Asif Ghafoor (@peaceforchange) July 28, 2019

જ્યારે આસિફ ગફુર કહી રહ્યાં છે કે આ વીડિયોમાં 27 ફેબ્રુઆરી 2019નાં રોજ ભારત-પાકિસ્તાનની વચ્ચે થયેલી અથડામણ દરમ્યાન ભારતને થયેલા નુકસાનને વિશે જણાવવામાં આવી રહ્યું છે. આ વીડિયોમાં વીર ચક્ર અને કીર્તિ ચક્રથી સમ્માનિત એર માર્શલ ડેંજિલ કીલોર 1962 અને 1965નાં યુદ્ધને વિશે જણાવી રહેલ છે. 1962માં ભારત અને ચીનની વચ્ચે આ યુદ્ધ થયું હતું કે જ્યારે 1965માં ભારત અને પાકિસ્તાનની વચ્ચે જંગ થઇ હતી.

આસિફ ગફુરે ટ્વિટ કરીને લખ્યું કે, 'ઇન્ડિયન એરફોર્સનાં એક વેટરન ઓફિસર દ્વારા 27 ફેબ્રુઆરી 2019ના ભારતની હાર નુકસાનની સ્વીકારોક્તિ' આસિફ ગફુરે આ વીડિયોની સાથે સાથે ભારતના વિંગ કમાન્ડર અભિનંદનનો વીડિયો પણ મિક્ષ કરી દીધો છે.