સૈનિકોની બળવાખોરીની આશંકાના પગલે પાકિસ્તાન આર્મીએ સોશિયલ મીડિયા પર લગાવ્યો પ્રતિબંધ

આતંકવાદ અને ગરીબી સામે લડી રહેલા પાકિસ્તાન પર હવે નવો ખતરો તોળાઈ રહ્યો છે. પાકિસ્તાન આર્મીએ પોતાના તમામ જવાનો અધિકારીઓ માટે શોસિયલ મીડિયા પર બેન લગાવ્યો છે. સુરક્ષા એજન્સીઓનું માનવું છે કે પાકિસ્તાન આર્મીને બલૂચના સૈનિકોના બળવાનો ડર છે.

જેને રોકવા માટે શોસિયલ મીડિયા બેન કરવાનું પગલું લેવાયું છે. પાકિસ્તાન આર્મી હેડક્વાર્ટરસથી જાહેર કરવામાં આવેલા નોટિફિકેશનમાં કહેવામાં આવ્યું છે કે અનેક નોટિસો બાદ પણ વિવિધ શોસિયલ મીડિયા ગ્રૂપમાંથી ગુપ્ત માહિતી લૂક થઈ રહી છે.

જે પાકિસ્તાનની સુરક્ષા માટે મોટો ખતરો સાબિત થઈ શકે છે. નોટિફિકેશનમાં કહેવામાં આવ્યું છે કે ચેતવણી બાદ પણ અધિકારીક પત્રચાર માટે પણ શોસિયલ મીડિયાનો સહારો લેવામાં આવે છે. જે ખૂબ રિસ્કી છે.

જેના પગલે રીટાયર્ડ અને આર્મી સાથે સંકળાયેલા લોકોને નિર્દેશ આપવામાં આવી રહ્યો છે કે શોસિયલ મીડિયા ગ્રૂપ પેજ અને કોઈ પણ પ્લેટફોર્મ પર ના રહે.

30 જાન્યુઆરી સુધીમાં આવા પ્લેટફોર્મને બંધ કરવા આદેશ આપવામાં આવ્યો છે અને જો એમ નહીં થાય તો એડમીન વિરૂદ્ધ કાર્યવાહી કરાશે. સુરક્ષા એજન્સીનું માનવું છે કે પાકિસ્તાનમાં બલૂચિસ્તાનને આઝાદ કરવાની માગ વધુ જોર પકડી શકે છે.

તાજેતરમાં જ બલૂચે પાકિસ્તાન આર્મી વિરૂદ્ધ એક નારો આપ્યો હતો કે જે આ આતંકવાદીઓ છે તેની પાછળ ખાખી વર્દી જવાબદાર છે. જેથી પાકિસ્તાને હવે આર્મી માટે શોસિયલ મીડિયા પર બેન લગાવ્યો છે.