કાશ્મીરમાંથી કલમ 370 હટાવાયા બાદ પાકિસ્તાન હચમચી અને ડરી ગયું છે. કાશ્મીરથી ધ્યાન ભટાકાવવા માટે પાકિસ્તાને એક નવું કાવતરું રચ્યું છે. સૂત્રોના જણાવ્યા અનુસાર પાકિસ્તાને ગુજરાતના સરક્રીક વિસ્તાર સામે SSG કમાન્ડો ગોઠવ્યા છે. પાકિસ્તાને ઇકબાલ-બાજવા પોસ્ટ પર પોતાના કમાન્ડોની ગોઠવણ કરી છે.
ઉલ્ખેનીય છે કે, જમ્મુ કાશ્મીરમાંથી કલમ 370 હટાવાયા બાદ પાકિસ્તાન ઉકળી ઉઠ્યું છે અને આ મુદ્દાને આંતરરાષ્ટ્રીય મુદ્દો બનાવવા માટે થઇને વારંવાર દુનિયા સમક્ષ જમ્મૂ-કાશ્મીરના મુદ્દાને લઇને સમર્થન માટે પ્રયત્ન કરી રહ્યું છે.
ગુજરાતમાં હાઇ એલર્ટ
આતંકવાદીઓ ગુજરાતમાં ઘુસે તેવા ઈનપુટને પગલે હાલ હાઈએલર્ટ આપવામાં આવ્યુ છે. પોરબંદરના દરીયા કિનારા વિસ્તારમાં પણ પોલીસે સઘન સુરક્ષાા ગોઠવી છે. પોરબંદર જીલ્લાના દરીયા કિનારે પણ સુરક્ષાામાં વધારો કરવામાં આવ્યો છે.
પોરબંદર -માધવપુર હાઈવે ઉપર ગોસા ચેકપોસ્ટ ઉપર એસ.આર.પી જવાનોને અને પોલીસ જવાનો નો ને હથિયાર સાથે તૈનાત કરી દેવામાં આવ્યા છે અને પોલીસ ધ્વારા વાહન ચેકીંગ કરવામાં આવી રહયુ છે. અંહીથી પસાર થતા તમામ વાહનોનું સઘન ચેકીંગ શરૂ કરવામાં આવ્યુ છે.