કાયદો / પાકિસ્તાન દુષ્કર્મના આરોપીઓ માટે લાવ્યું કડક કાયદો, આરોપીને આપવામાં આવશે આવી સજા

• પાકિસ્તાનમાં દુષ્કર્મ વિરુદ્ધ કડક કાયદો
• દુષ્કર્મના દોષિતોને બનાવાશે નપુંસક, પીડિતાની ઓળખ રખાશે ગુપ્ત 
• 4 મહિનામાં સુનાવણી કરાશે પૂર્ણ, 6 કલાકમાં પીડિતાની મેડિકલ તપાસ

4 મહિનામાં કેસની સુનાવણી કરાશે પૂર્ણ

રાષ્ટ્રપતિ કાર્યાલયે એક નિવેદનમાં કહ્યું છે કે આ કાયદા બાદ દેશમાં વિશેષ અદાલતની રચના થશે અને તેમાં મહિલા અને બાળકોની વિરુદ્ધમાં દુષ્કર્મ કરનારાની ત્વરિત સુનાવણી કરાશે. 4 મહિનામાં સુનાવણી પૂરી કરશે. પહેલી વાર કે વારેઘડી દુષ્કર્મ કરનારાને નપુસંક બનાવાશે. આ માટે આરોપીની સહમતિ પણ લેવાશે.
 

રિપોર્ટ દાખલ થયાના 6 કલાકમાં કરાશે પીડિતાની મેડિકલ તપાસ

કાયદામાં મહત્વની જોગવાઈ એ છે કે દોષીઓને દવા આપીને નપુસંક બનાવાશે. અધિસૂચિત બોર્ડના માર્ગદર્શનમાં આ પ્રક્રિયા કરાશે. મળતી માહિતી અનુસાર દુષ્કર્મના 6 કલાકમાં પીડિતાની મેડિકલ તપાસ થશે અને સાથે ફક્ત ન્યાયાધીશ અને આરોપીની તરફથી વકીલ જ પીડિતા સાથે સવાલ જવાબ કરી શકશે.
 
પોલીસની બેદરકારી પર તેમને પણ થશે સજા

તપાસમાં એવું સામે આવશે કે પોલીસકર્મીએ બેદરકારી દાખવી છે તો સરકારી અધિકારી અને પોલીસને 3 વર્ષની જેલની સજા થઈ શકે છે. આ સાથે દંડની પણ જોગવાઈ છે. પીડિતાની ઓળખ સામે લવાશે નહીં અને તેમ કરનારા પર પણ કાર્યવાહી કરાશે. પીએમ ઈમરાન ખાને દેશમાં દુષ્કર્મની વધતી ઘટનાઓથી છૂટકારો મેળવવા આ કાયદો લાવવાની જાહેરાત કરી છે. 

દુષ્કર્મ દોષિતોની ખેર નહીં       

• પાકિસ્તાન દુષ્કર્મના આરોપીઓ માટે લાવ્યું કડક કાયદો
• દુષ્કર્મના દોષિતોને દવા આપીને બનાવાશે નપુંસક
• દુષ્કર્મ પીડિતાની ઓળખ રાખવામાં આવશે ગુપ્ત
• દુષ્કર્મ કેસની સુનાવણી માટે વિશેષ અદાલતની પણ રચના કરવાની જોગવાઈ
• દુષ્કર્મ કેસની સુનાવણી 4 મહિનામાં કરવામાં આવશે પૂર્ણ
• રિપોર્ટ દાખલ થયાના 6 કલાકમાં જ પીડિતાની મેડિકલ તપાસ થશે
• બેદરકારી દાખવનાર પોલીસકર્મચારીઓને પણ મળશે સજા