મોંઘવારી / ઇદ પહેલા પાકિસ્તાનના હાલ બેહાલ, ખાદ્ય ચીજ સહિત પેટ્રોલના ભાવ જાણી થશે આશ્ચર્ય

જેની કિંમત પાકિસ્તાનીઓએ ચૂકવવાનો વારો આવ્યો છે. પાકિસ્તાનના સરકારી આંકડાએ અનુસાર, દેશમાં મોંઘવારીનો દર 8.82 ટકાથી વધીને 9.11 ટકા થઇ ગયો છે. અખબાર એક્સપ્રેસમાં પ્રસિધ્ધ થયેલ ગત સપ્તાહના પેટ્રોલની કિંમત 4.26 પૈસા, ડિઝલમાં 4.50 પૈસા અને કેરોસીનની કિંમતમાં 1.69 પૈસાનો વધારો થયો છે. પાકિસ્તાનમાં પટ્રોલમાં હવે 112.68 પૈસા પ્રતિ લીટર મળી રહે છે. 

સરકાર પાસે નથી ઉકેલ

આ મામલે સ્થાનિક સરકાર વારંવાર કહી રહી છે કે, આ પરેશાની માત્ર થોડા સમયગાળા માટે જ છે આ સમયગાળો માત્ર 2 મહિના સુધીનો છે ત્યારબાદ હાલત સુધરી જશે. જો કે, વિપક્ષનું કહેવું છે કે, આમ આદમી આ મોંઘવારીનો માર સહન કરી રહ્યા છે અને સરકારને ખબર પડતી નથી કે આ સમસ્યાનો ઉકેલ કેવી રીતે લાવવો. 

ડોનનો રિપોર્ટ
પાકિસ્તાની અખબાર ડોનમાં પ્રસિદ્ધ થયેલ રિપોર્ટ મુજબ, પાકિસ્તાન બ્યુરો ઓફ સ્ટેટિસ્ટિક્સના તાજેતરમાં પ્રસિદ્ધ થયેલ આંકડાઓ અનુસાર મે મહિનામાં મૂલ્ય સુચકાંક 1.43 ટકા અને સંવેદનશીલ મૂલ્ય સૂચકાંક 0.78 ટકા જેટલો વધવા પામ્યો હતો.

શાકભાજીના ભાવ આસમાને
મે મહિનામાં ડુંગળીના ભાવ 75.52 ટકા, કોબી 74.87 જેટલો, તળબૂચ 55.73 ટકા, લસણ 49.99 ટકા, ટમેટા 46.11 ટકા જેટલા અને લીંબુમાં 43.46 ટકા જેટલો 
ભાવ વધારો નોંધાયો હતો.