IPLIN
 

BIG NEWS / IND vs PAK: ભારત સામે મહામુકાબલામાં પાકિસ્તાનના આ ખેલાડીઓ સંભાળશે મોરચો, ટીમનું કર્યું એલાન

Team VTV 02:13 PM, 23 Oct 21 | Updated: 02:17 PM, 23 Oct 21
Follow us
Pakistan announce squad for game against India in T20 World Cup

ટી-20 વર્લ્ડ કપમાં ભારતની પહેલી મેચ આવતીકાલે પાકિસ્તાન સામે છે. ત્યારે પાકિસ્તાન તરફથી ભારત સામેની મેચ માટે સ્કવોડ જાહેર કરી દેવામાં આવી છે.

  • T20 World Cup પર મોટા સમાચાર 
  • પાકિસ્તાને જાહેર કરી ટીમ 
  • બાબર, રિઝવાન અને હાફિઝનો સમાવેશ 

ટી-20 વર્લ્ડ કપમાં ભારતની પહેલી મેચ આવતીકાલે છે. પહેલી જ મેચમાં ભારત પરંપરાગત હરીફ પાકિસ્તાન સામે ટકરાશે. આજ સુધી ભારત વર્લ્ડકપમાં પાકિસ્તાન સામે હાર્યું નથી. હવે આવતી કાલે પણ આ રેકોર્ડ ભારત જાળવી રાખે એવી ક્રિકેટપ્રેમીઓ આશા રાખી રહ્યા છે. ત્યારે પાકિસ્તાને પોતાની ટીમ જાહેર કરી છે. 

કોણ કોણ ભારત સામે ઉતરશે મેદાનમાં? 
બાબર, રિઝવાન, ફખર, હાફીઝ, મલિક, આસિફ, ઇમાદ, શાદાબ, હસન, શાહીન, હરિસ, હૈદર

પાકિસ્તાન તરફથી બાબર આઝમ કેપ્ટનશીપ કરી રહ્યા છે જ્યારે સિનિયર ઓલરાઉન્ડર શોએબ મલિકને પણ જગ્યા આપવામાં આવી છે. 

પાકિસ્તાનની પ્લેઇંગ ઇલેવન:
બેટ્સમેનઃ બાબર આઝમ, મોહમ્મદ રિઝવાન, ફખર જમાન, શોએબ મલિક, આસિફ, હૈદર અલી
ઓલરાઉન્ડર: મોહમ્મદ હાફીઝ, ઇમાદ વસીમ, શાદાબ ખાન
બોલરઃ હસન અલી, શાહીન શાહ આફ્રિદી, હરિસ રઉફ

આ બે ટીમો નક્કી થઈ
સેમીફાયનલ સુધી પહોંચવા માટે ટીમ ઈન્ડિયાને સુપર 12 સ્ટેજમાં પાંચ મેચ રમવા પડશે. હવે તમામ ટીમો નિશ્ચિત થઈ ગઈ છે ત્યારે ભારત બાકીની કઇ બે ટીમ સામે રમશે એ પણ ફાયનલ થઈ ગયું છે. 
ભારત સ્કોટલેન્ડ અને નામીબિયા સામે રમશે એ હવે નક્કી થઈ ગયું છે. ગ્રુપ સ્ટેજ અગાઉની મેચોમાં ટોપ 8 સિવાયની ટીમો વચ્ચે બાકીના બે સ્પોટ માટે મુકાબલો ચાલી રહ્યો હતો જેનો હવે અંત આવ્યો છે ભારત કોની સામે રમશે એ પણ નક્કી થઈ ગયું છે. ભારતની મેચ સ્કોટલેન્ડ અને નામીબિયા સામે રમાશે. આ મેચોમાં પન ઘણા અપસેટ સર્જાયા હતા પરંતુ આખરે આ ટીમો નક્કી થઈ ગઈ હતી. 

સુપર 12 માં ભારતીય ટીમની સફર 

  • 24 ઓક્ટોબર- ભારત v/s પાકિસ્તાન
  • 31 ઓકટોબર- ભારત  v/s ન્યુઝીલેન્ડ 
  • 3 નવેમ્બર- ભારત  v/s અફઘાનિસ્તાન 
  • 5 નવેમ્બર - ભારત v/s સ્કોટલેન્ડ 
  • 8 નવેમ્બર- ભારત v/s નામીબિયા 
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ