બાલાકોટામાં એર સ્ટ્રાઈકને એક વર્ષ થાય એ પહેલા જ પાકિસ્તાને ત્યાં ફરીથી આતંકવાદી તાલિમ કેમ્પ શરુ કરી દીધો છે. આતંકવાદી સંગઠન જૈશ- એ- મોહમ્મદ તથા લશ્કર-એ- તોઈબાનના જોઈન્ટ તાલિમ કેમ્પ શરુ થઈ ગયો છે. પાક. ઈન્ટરનેશનલ એજન્સીઓની નજરથી બચવા માટે મદરેસાના બોર્ડ લગાવી તેની આડમાં આતંકવાદી કેમ્પ ચલાવી રહ્યું છે.
બાલાકોટમાં જૈશ-એ-મહમ્મદ અને લશ્કર-એ-તૈયબાના ટ્રેનિંગ કેમ્પ
મદરેસાના બોર્ડની આડમાં ચાલે છે ટ્રેનિંગ કેમ્પ
પાકિસ્તાની સેના સંભાળે છે ટ્રેનિંગ કેમ્પની સુરક્ષા
આજના જ દિવસે જ બાલાકોટમાં એર સ્ટ્રાઈક કરી હતી
પાકિસ્તાનના બાલાકોટમાં મોટી માત્રામાં આતંકી સક્રીય થયા છે. પાક. આર્મી ટ્રેનિંગ કેમ્પમાં આતંકીઓને આસરો અપાઈ રહ્યો છે. ટ્રેનિંગ કેમ્પમાં લોન્ચિંગ પેડ બનાવી આતંકીઓને સુરક્ષિત કરવામાં આવી રહ્યા છે. ઉલ્લેખનીય છે કે ભારતીય સેનાએ આજના જ દિવસે જ બાલાકોટમાં એર સ્ટ્રાઈક કરી હતી.
વિંગ કમાન્ડર અભિનંદને પાકિસ્તાની વિમાનોને ખદેડ્યા હતા
એક વર્ષ પહેલા બાલાકોટમાં એર સ્ટ્રાઈક કરી આતંકીને ધૂળ ચટાડી હતી ભારતીય સેનાએ. ત્યારે દેશ માટે લિંગ કમાન્ડર અભિનંદને પાકિસ્તાનની વિમાનોને પાછા ખદેડ્યા હતા. સમગ્ર દેશે તેની બહાદુરીને સલામ કરી હતી. જોકે કુતરાની પૂછળી વાંકીને વાંકી રહે એ કહેવત પાકિસ્તાન માટે જ લખાયી હોય એમ લાગે છે. આંતરરાષ્ટ્રીય સ્તરે આતંકવાદને લીધે તેની ઈમેજ ખરડાવા છતાં તેણે આતંકવાદી પ્રવૃત્તિ ચાલુ રાખી છે.
હાફિઝનો સંબંધી ઝકિઉર રહમાન લખવી બાલાકોટમાં દેખાયો હતો
બાલાકોટ એરસ્ટ્રાઈકને એક વર્ષ પૂર્ણ થયું છે છતાં એર સ્ટ્રાઈક બાદ પણ પાકિસ્તાન ન સુધર્યુ. ISIના નિર્દેશ પર જૈશ-લશ્કરે ટ્રેનિંગ કેમ્પ ફરી ખોલ્યા છે. આ સમગ્ર વિસ્તારમાં સામાન્ય લોકોના પ્રવેશ પર પ્રતિબંધ લગાવવામાં આવ્યો છે. ટ્રેનિંગ કેમ્પમાં આતંકીઓને ટ્રેનિંગ આપવામાં આવી રહી છે. લોન્ચ પેડ દ્વારા પાક સેના અને આતંકીઓ દ્વારા મોટું ષડયંત્ર રચવામાં આવી રહ્યું છે. હાફિઝનો સંબંધી ઝકિઉર રહમાન લખવી બાલાકોટમાં દેખાયો હતો.