OMG / બચપના કા પ્યાર... 70 વર્ષના બાએ 37 વર્ષીય યુવક સાથે કર્યા લગ્ન, અહિયાં કરવું છે હનીમૂન

• પાકિસ્તાનમાં સામે આવ્યો એક અનોખો મામલો 
• 70 વર્ષની મહિલાએ 37 વર્ષના પ્રેમી સાથે કર્યા લગ્ન 
• પ્રેમી માટે 70 વર્ષ સુધી કુવારી કરી મહિલા 

તમે પણ ઘણું સાંભળ્યું હશે કે પ્રેમ મેળવવા માટે વ્યક્તિ બધી હદો પાર કરી શકે છે. પરંતુ પાકિસ્તાનની કિશ્વર બીબી અને ઇફ્તિખારે આ વાતને સાચી સાબિત કરી છે. 37 વર્ષીય ઈફ્તિખારે બાળપણના પ્રેમને મેળવવા માટે એવું પગલું ભર્યું કે સાંભળીને તમે પણ દંગ રહી જશો. ઈફ્તિખારે 70 વર્ષની કિશ્વર બીબી સાથે લગ્ન કર્યા હતા. બંને લાંબા સમયથી એકબીજાને ખૂબ પ્રેમ કરતા હતા પરંતુ ઉંમરના તફાવતને કારણે તેમના પરિવારજનો સહમત નહોતા.

વાયરલ થયો લગ્નનો વીડિયો 
મહત્વનું છે કે ઇફ્તિખારે આ દરમિયાન લગ્ન કર્યા હતા અને તેને 6 બાળકો છે પરંતુ કિશ્વર બીબી 70 વર્ષ સુધી કુંવારી રહી હતી. હવે આખરે બંનેએ પોતાની ઈચ્છા પૂરી કરીને એકબીજા સાથે લગ્ન કરી લીધા છે. તેમના લગ્નનો વીડિયો પણ સોશિયલ મીડિયા પર જોરદાર વાયરલ થઈ રહ્યો છે અને આ અનોખા લગ્નની માત્ર પાકિસ્તાનમાં જ નહીં પરંતુ અન્ય દેશોમાં પણ ખૂબ ચર્ચા થઈ રહી છે.

ઈફ્તિખારનો પહેલો પ્રેમ કિશ્વર
ઈફ્તિખાર ખૂબ જ નાનો હતો ત્યારથી જ તેને કિશ્વર બીબી સાથે પ્રેમ થવા લાગ્યો. આ પછી તેઓએ એકબીજાને પોતાના મનની વાત કહી અને વાત આગળ વધી. જ્યારે કિશ્વર અને ઈફ્તિખારે પોતપોતાના પરિવાર સાથે પ્રેમ અને લગ્નની વાત કરી તો બંને તરફથી સ્પષ્ટ ઈન્કાર કરવામાં આવ્યો. 

આ પછી જ્યાં કિશ્વરે આખી જિંદગી બીજા કોઈ સાથે લગ્ન ન કરવાનો નિર્ણય લીધો હતો. પરંતુ ઈફ્તિખારે અન્ય કોઈ સાથે લગ્ન કરી લીધા. કદાચ કિશ્વરને પણ અંદાજ ન હતો કે યુવાનીનો પ્રેમ 70 વર્ષની ઉંમરે મળી જશે.

બંને હનીમૂન પર અહીં જવા માંગે છે
કિશ્વરની ઉંમર 70 વર્ષની છે. પરંતુ લગ્ન પછી તેની ઈચ્છા કોઈ યુવા કપલથી ઓછી નથી. કિશ્વર સાથે લગ્ન કર્યા પછી જ્યારે એક રિપોર્ટરે હનીમૂન ડેસ્ટિનેશન પૂછ્યું તો તેણે કરાચી અને મારીનું નામ લીધું. 

કિશ્વરના દુલ્હા ઈફ્તિખારે જણાવ્યું કે પરિવારના કારણે તે મળી શક્યા નહીં. પરંતુ લગ્ન પછી પણ ઈફ્તિખારે કિશ્વરને મળવાનું બંધ કર્યું નથી. બંને અવારનવાર પાર્કમાં કે અલગ-અલગ જગ્યાએ મળતા અને સાથે સમય વિતાવતા.