પાકિસ્તાનન સમર્થિત આતંકી સંગઠન સમૂહ ભારત અફઘાનિસ્તાનમાં આતંકી હુમલા કરવાનું ચાલુ રાખશે. આ રિપોર્ટ અમેરિકાના ઈન્ટેલિજન્સ ચીફ ડૈન કોટ્સે રજૂ કર્યો છે.
ડૈન કોટ્સે ખાનગી મુદ્દા પર સંસદની સિલેક્ટ કમિટીના સભ્યોને આ રિપોર્ટ પણ સોંપ્યો છે અને કહ્યું કે પાકિસ્તાન સમર્થિત આતંકવાદી સમૂહ ભારત અફઘાનિસ્તાન અને અમેરિકાના હિતો વિરૂદ્ધ હુમલાની યોજના બનાવવાની સાથો સાથ આતંકી ઘટનાને અંજામ આપવા માટે પાકિસ્તાનમાં આસરો આપી રહેલા લોકોનો ફાયદો લઈને હુમલા ચાલુ રાખશે.
સિલેક્ટ કમિટીમાં હાજર રહેલા મુખ્ય લોકોમાં ડૈન કોટ્સ સિવાય ભારતની યાત્રા પરથી પરત લોટેલા CIAના ડિરેક્ટર જિના હૈસ્પલ FBI ડિરેક્ટર ક્રિસ્ટોફર રે અને અમેરિકા સુરક્ષા એજન્સીના ડિરેક્ટર રોબર્ટ એશ્લી પણ સામેલ હતા.
બીજી તરફ ડૈન કોટ્સે કહ્યું કે ભારત અને પાકિસ્તાનના પરમાણુ કાર્યક્રમો થઈ રહેલા સતત વિકાસ અને વૃદ્ધિના કારણે દક્ષિણ એશિયામાં પરમાણુ સુરક્ષા સાથે સંકળાયેલી ઘટનાઓની આશંકા વધી ગઈ છે.
કોટ્સે અમેરિકાના સાંસદોને જણાવ્યું કે જો સત્તારૂઢ પાર્ટી ભાજપ મે મહિનામાં સામાન્ય ચૂંટણી પહેલા હિન્દુ રાષ્ટ્રવાદી વિષય પર પોતાનું જોર યથાવત રાખશે તો ભારતમાં સાંપ્રદાયિક હિંસા પણ ભડકી શકે છે. આ સિવાય ભારત અને ચીન વચ્ચેના સંબંધોમાં પણ તણાવભરિ સ્થિતિ રહે તેવી આશંકા છે.