મર્ડર / પાક.માં શીખ યુવકની હત્યામાં ચોંકાવનારો ખુલાસો, જાણીને પગ નીચેથી જમીન સરકી જશે

• પાકિસ્તાનમાં શીખ યુવકની હત્યા
• પોલીસે હત્યાના કેસમાં કર્યો મોટો ખુલાસો
• પ્રેમિકાએ 7 લાખ રૂપિયામાં કરાવી હતી રવિન્દ્ર સિંહની હત્યા

પાકિસ્તાનની પોલીસે દાવો કર્યો કે મલેશિયામાં રહેનારા રવિન્દ્ર સિંહ લગ્ન કરવા માટે પાકિસ્તાન આવ્યા હતા. તેમની પ્રેમિકા પ્રેમકુમારી સાથે લગ્ન થવાના હતા. પરંતુ પ્રેમિકા રવિન્દ્ર સિંહ સાથે લગ્ન કરવા ઈચ્છતી ન હતી. પ્રેમિકાએ રવિન્દ્રથી પીછો છોડાવવા માટે આ પગલું લીધું હતું. ખૈબર પખ્તૂનવા પ્રાંતના મર્દાનમાં એક શોપિંગ મોલમાં શૂટર્સે રવિન્દ્રને ગોળીઓથી ઉડાવી દીધો અને તેની હત્યા કરી. રવિન્દ્રની બોડીને પેશાવરમાં ફેંકી દેવામાં આવી હતી. 

પ્રેમિકાએ રવિન્દ્રને પતાવી દેવા માટે આપ્યા હતા આટલા રૂપિયા

પ્રેમિકાએ રવિન્દ્રને ઠેકાણે લગાવવા માટે શૂટર્સને 7 લાખ રૂપિયા આપ્યા હતા. આ માટે તેણે થોડા એડવાન્સ રૂપિયા પણ આપ્યા હતા. 

લગ્નની ખરીદી માટે મોલમાં ગયો ત્યારે થઈ હત્યા

ઉલ્લેખનીય છે કે પાકિસ્તાનના પેશાવરમાં એક અજ્ઞાત વ્યક્તિએ શીખ યુવક રવિન્દ્ર સિંહની હત્યા કરી હતી. પાકિસ્તાની પત્રકાર હરમીત સિંહના ભાઈ રવિન્દ્ર ખૈબર પખ્તૂનવા પ્રાંતના શાંગલાનો રહેવાસી હતો. તે મલેશિયામાં રહેતો હતો અને પોતાના લગ્ન માટે ઘરે આવ્યો હતો. જે સમયે તેની હત્યા કરવામાં આવી ત્યારે તે લગ્ન માટે શોપિંગ કરવા માટે મોલમાં આવ્યો હતો. 

વિદેશ મંત્રાલયે પાકિસ્તાનની કરી નિંદા

ભારતીય વિદેશ મંત્રાલયે શીખ યુવકની હત્યાને લઈને કડક પ્રતિક્રિયા આપી હતી. વિદેશ મંત્રાલયે આ ઘટનાની નિંદા કરતા પાકિસ્તાનને કહ્યું હતું કે તે અલ્પસંખ્યકોની વિરોધમાં છે. આ રીતની જઘન્ય ઘટનાઓને રોકવા માટે મોટા પગલાં લીધા છે. વિદેશ મંત્રાલયે કહ્યું કે પાકિસ્તાન ઈચ્છે છે કે અન્ય દેશના ઉપદેશ આપવાને બદલે અલ્પસંખ્યકોની સુરક્ષા નક્કી કરીને કાર્ય કરવામાં આવે.