કોરોના મહામારી / રસી બાદ પાક. PM ઈમરાન ખાન કોરોનાગ્રસ્ત, ચીનની વૅક્સિન લીધી હતી

• પાકિસ્તાનના હેલ્થ મિનિસ્ટર ફૈઝલ સુલતાને ટ્વિટ કરીને આપી જાણકારી
• કોરોના પોઝિટીવ થયા બાદ ઈમરાન ખાન હોમ ક્વોરન્ટાઈન થયા
• હજુ બે દિવસ પહેલા જ ઈમરાન ખાને ચીનની બનાવટની કોરોના વેક્સિન લીધી હતી
• ચીની બનાવટની રસી પર સવાલ ખડો થયો 

પાકિસ્તાનના હેલ્થ મિનિસ્ટર ફૈઝલ સુલતાને ટ્વિટ કરીને જણાવ્યું કે ઈમરાન ખાનનો કોરોના રિપોર્ટ પોઝિટીવ આવ્યો છે. તેમણે કહ્યું કે કોરોના પોઝિટીવ થયા બાદ ઈમરાન ખાન હોમ ક્વોરન્ટાઈન થયા છે. 

PM Imran Khan has tested positive for Covid-19 and is self isolating at home

— Faisal Sultan (@fslsltn) March 20, 2021

હજુ બે દિવસ પહેલા જ ઈમરાન ખાને ચીનની બનાવટની કોરોના વેક્સિન લીધી હતી. પાકિસ્તાનમાં રાષ્ટ્રવ્યાપી કોરોના રસીકરણ અભિયાન હેઠળ ઈમરાન ખાને કોરોનાનો પહેલો ડોઝ લીધઓ હતો. આ પ્રસંગે ઈમરાન ખાને દેશના નાગરિકોને એસઓપીનું ચુસ્તપણે પાલન કરવાની અપીલ કરી હતી. પાકિસ્તાનમાં કોરોનાની ત્રીજી લહેરનો ખતરો મંડરાઈ રહ્યો છે. 

પાકિસ્તાનને ચીની બનાવટની કોરોનાના 5 લાખ ડોઝ મળ્યાં 

ઉલ્લેખીય છે કે 18 માર્ચે પાકિસ્તાનને ચીની બનાવટની વેક્સિન સિનોફાર્મના 5 લાખ ડોઝ મળ્યાં છે અને તેમાંથી એક ડોઝ વડાપ્રધાન ઈમરાન ખાનને આપવામાં આવ્યો હતો. પરંતુ રસી લીધા પછી પણ ઈમરાન ખાન કોરોના પોઝિટીવ નીકળતા રસીની અસરકારતા વિશે સવાલ ખડો થયો છે.