વર્લ્ડ કપ 2019ની ટૂર્નામેન્ટ ચાલી રહી છે. જોકે વરસાદને કારણે ઘણી મેચ રદ્દ થઇ રહી છે પરંતુ ફેન્સ પ્રાર્થના કરી રહેલા છે રવિવારની ભારત-પાકિસ્તાનની મેચ કોઇપણ કારણોસર રદ્દ ના થાય.
રાજનીતિક કારણોસર માત્ર ICCની ટૂર્નામેન્ટમાં જ ભારત-પાકિસ્તાન એકબીજા સામે રમે છે, એવામાં તમામ ફેન્સ પોતાની ટીમ જીતે તે માટે પ્રાર્થના કરી રહ્યા છે, તો આજે જાણીએ પાકિસ્તાન ક્રિકેટ અને ભારતીય સિનેમાની સાથે જોડાયેલો એક રસપ્રદ કિસ્સો...
ક્રિકેટ ગ્રાઉન્ડ પર પોતાની બૉલિંગની ઝડપથી લોકોને ચોંકાવીને દેનારા શોએબ અખ્તરે એક ઇન્ટરવ્યૂ દરમિયાન એવો ખુલાસો કર્યો જેણે જાણીને તમે પણ આશ્ચર્ય પામી જશો.
શોએબે જણાવ્યુ કે, ભારતના પ્રવાસ દરમિયાન તેની મુલાકાત એક્ટ્રેસ સોનાલી બેન્દ્ર સાથે થઇ હતી અને તે તેણે દિલ આપી બેઠા. એટલુ જ નહી સોનાલીની ફિલ્મ 'ઇંગ્લિશ બાબુ દૈસી મેમ' જોયા પછી શોએબ સોનાલીનો મોટો ફેન થઇ ગયો અને તેની ફોટો પોતાના પર્સમાં રાખવા લાગ્યો અને રૂમની દિવાલ પર સોનાલીના પોસ્ટર્સ પણ લગાવી દીધા.
પહેલી જ મુલાકાતમાં સોનાલીને દિલ આપતાની સાથે જ શોએબે વિચારી દીધુ કે જો સોનાલી બેન્દ્રે તેનું પ્રપોઝલ નહી સ્વીકારે તો તેણે કિડનેપ કરી લેશે. જોકે શોએબે આ માત્ર મજાકિયા અંદાજમાં આ વાત કરી હતી.
જોકે જ્યારે આ મામલામાં સોનલી સાથે વાત કરવામાં આવી ત્યારે તેણે સ્પષ્ટ રીતે શોએબ અખ્તર જેવા પાકિસ્તાની ક્રિકેટરને ઓળખવા માટે ઇન્કાર કરી દીધો. સોનાલીએ જણાવ્યુ કે, તેણે ક્રિકેટમાં રસ નથી, એટલા માટે કોઇ ખિલાડીનુ નામ ખબર નથી.
તમને જણાવી દઇએ કે, આ વાત ઘણા વર્ષો પહેલાની છે. હવે બંનેએ લગ્ન કરી દીધા છે. સોનાલીએ વર્ષ 2002માં ડિરેક્ટર ગોલ્ડી બહલ સાથે લગ્ન કર્યા જ્યારે શોએબે 2014માં એક પાકિસ્તાની યુવતી સાથે લગ્ન કર્યા.