પાકિસ્તાનમાં સત્તા પરિવર્તનના એંધાણ દેખાઇ રહ્યાં છે. પાકિસ્તાનના ઉદ્યોગપતિઓએ આર્મી ચીફ જાવેદ બાજવા સાથે ખાનગી ડિનર ડિપ્લોમસી યોજી હતી. જેમાં ઇકોનોમીને મજબૂત કરવા ઉદ્યોગપતિઓએ બાજવાને અપીલ કરી છે.
પાકિસ્તાનના ઉદ્યોગપતિએ આર્મી ચીફ સાથે કરી બેઠક
મિટીંગ વચ્ચે પાકમાં સત્તા પલટાને લઇને અફવાઓ તેજ
પાક આર્મી ઉદ્યોગપતિને મળતા બળવાની સંભાવના તેજ
ઇમરાન ખાનથી નારાજ છે પાકિસ્તાનની જનતા
જમ્મૂ-કાશ્મીર મામલે આંતરરાષ્ટ્રીય સ્તર પર ભારતના હાથે કૂટનીતિક હાર, દેશમાં ચાલી રહેલી અર્થવ્યવસ્થાની સ્થિતિ કફોડી થઇ જતાં પાકિસ્તાનને મુશ્કેલીમાં મૂકી દીધો છે. દેશની જનતાને લઇને કોર્પોરેટ જગત સહિત આર્મીના નિશાના પર પીએમ ઇમરાન ખાન છે. આ બધાની વચ્ચે પાકિસ્તાનમાં સત્તા પરિવર્તનના એંધાણ દેખાઇ રહ્યાં છે.
પાકિસ્તાનની સેનાના પ્રવક્તા આસિફ ગફૂરે ગુરૂવારે યોજાયેલી બેઠક અંગે જાણકારી આપતા એક પ્રેસનોટ રીલીઝ કરી. જેના અનુસાર પાકિસ્તાનની આંતરિક સુરક્ષા તેના વેપાર સાથે જોડાયેલી છે, જેને લઇને સેના પ્રમુખ સાથે દેશના વેપારીઓએ બેઠક કરી હતી.
પાકિસ્તાની મીડિયાએ તખ્તા પલટની અટકળો ગણાવી
પાકિસ્તાની મીડિયાએ આ વાતચીતને લઇને અટકળો વ્યક્ત કરતાં કહ્યું કે પાકિસ્તાનના મોટા બિઝનેસમેનો ઇમરાન ખાનની નીતિઓથી પરેશાન ચાલી રહ્યાં છે, જેના કારણે હવે આર્મી ચીફ બાજવાએ તેમની પરેશાની જાણવાનો પ્રયત્ન કર્યો. કમર બાજવા હંમેશા સેનાના ડ્રેસ કોડમાં જોવા મળે છે, પરંતુ અહીં તેઓ ડ્રેસ કોડની જગ્યાએ સૂટ-બૂટમાં જોવા મળ્યાં હતાં. આમ આ મુલાકાત બાદ પાકિસ્તાનમાં સત્તા પરિવર્તનને લઇને અટકળો તેજ થઇ ગઇ છે.