એક મુસાફરના ચાલુ ટ્રેનમાં બૂટ ચોરી થયા. જેની ફરિયાદ તેણે રેલવે પોલીસ સ્ટેશનમાં કરાવી છે. ત્યારબાદ બે રાજ્યોની પોલીસ ચોરી થયેલા બૂટ અને ચોરને શોધી રહી છે.
એક મુસાફરના ચાલુ ટ્રેનમાં બૂટ ચોરી થયા
આ શખ્સે રેલવે પોલીસ સ્ટેશનમાં નોંધાવી ફરિયાદ
સર્ચમાં જોડાઈ બે રાજ્યોની પોલીસ
ચાલુ ટ્રેનમાં મુસાફરના બૂટ ચોરી થયા
ચાલુ ટ્રેનમાં બર્થની નીચેથી એક શખ્સના બૂટ ચોરી થયા છે અને તેણે તેની ફરિયાદ પોલીસ સ્ટેશનમાં કરાવી છે. ત્યારબાદ ઉત્તર પ્રદેશ અને બિહારની પોલીસ બૂટ અને બૂટને ચોરી કરનારાને શોધી રહી છે. પોલીસે બૂટ ચોરી કરવાના કેસમાં જીરો એફઆઈઆર નોંધાવી છે. સોશિયલ મીડિયામાં આ સમાચારની જોરશોરથી ચર્ચા થઇ રહી છે. પીડિત મુજબ, ઉત્તર પ્રદેશના મુરાદાબાદ પહોંચ્યા બાદ શખ્સે પોતાની સીટ નીચે બૂટ જોયુ તો તે ચોરી થયુ હતુ. ત્યારબાદ તેણે રેલ મદદ એપ પર ફરિયાદ નોંધાવી છે.
પોલીસે નોંધી બૂટ ચોરીની એફઆઈઆર
મીડિયા રિપોર્ટસ મુજબ, પીડિતનુ નામ રાહુલ કુમાર ઝા છે. રાહુલ કુમાર ઝા મુજબ, તેઓ જયનગર ક્લોન સ્પેશિયલ ટ્રેન નંબર 04652ના ડબ્બા નંબર બી-4ની 51 નંબર બેઠક પર બેઠો હતો. તે અંબાલા સ્ટેશન પરથી મુસાફરી કરી રહ્યો હતો. આ દરમ્યાન તેના બૂટ ચોરી થયા. જો કે, નાની-મોટી વસ્તુઓ ચોરી થવાથી લોકો ફરિયાદ નોંધાવતા નથી. પરંતુ રાહુલ કુમાર ઝાનુ આ પગલુ સારુ છે.
ચોરી થયેલા બૂટને શોધવામાં જોડાઈ પોલીસ
મહત્વનું છે કે રેલવે પોલીસ સ્ટેશન મુઝફ્ફરપુરનો રેફરન્સ આપીને પીડિત રાહુલ કુમાર ઝાએ મુરાદાબાદમાં ફરિયાદ નોંધાવી છે. આ મામલે રેલવે પોલીસના એસએચઓ દિનેશ કુમાર સાહૂએ કહ્યું કે એક મુસાફર રાહુલ કુમાર ઝાએ બૂટ ચોરી થયાની જીરો એફઆઈઆર નોંધાવી છે. ચોરી થયેલા બૂટ અને ચોરને પકડવાનો પ્રયાસ ચાલુ છે.