એક્સ્ટ્રા મેરિટલ અફેર કરવા પર ભયંકર સજા મળે તેવું ક્યારેય સાંભળ્યું છે? મુસ્લિમ દેશ ઇન્ડોનેશિયામાં પરપુરુષ સાથે સંબંધ બનાવનાર મહિલાને ભયાનક સજા આપવામાં આવી છે.
મહિલાએ બનાવ્યા પરપુરુષ સાથે સંબંધ
પોલીસની હાજરીમાં આપી દર્દનાક સજા
મહિલા સજા ભોગવતા થઇ ગઇ બેભાન
પોલીસની હાજરીમાં સજા
મહિલાને બધાની સામે આ ભયાનક સજા આપવામાં આવી કે તે બેભાન થઇ ગઇ પરંતુ જ્યાં સુધી સજા પૂરી ન થાય ત્યાં સુધી તેઓ અટક્યા નહી. આ બધુ પોલીસની હાજરીમાં થયું હતુ.
શરિયા કાયદા હેઠળ સજા
એક રિપોર્ટ અનુસાર, ઈન્ડોનેશિયાના બાંદા આચે શહેરમાં એક મહિલાને અન્ય પુરુષ સાથે શારીરિક સંબંધ રાખવા બદલ નિર્દયતાથી સજા આપવામાં આવી હતી. મહિલાના પાર્ટનરને પણ કોરડા માર્યા હતા. શરિયા કાયદા હેઠળ આપવામાં આવેલી આ સજા પોલીસ અધિકારીઓની હાજરીમાં કરવામાં આવી હતી.
એક પછી એક 17 કોરડા વરસાવ્યા
સજા પહેલા, મહિલાએ સફેદ ઇસ્લામિક પોશાક પહેર્યો હતો. આ પછી તેને જમીન પર બેસવા માટે કહેવામાં આવ્યું અને પછી બીજી મહિલાએ તેના પર એક પછી એક 17 કોરડા માર્યા. આ દરમિયાન પીડિતા બૂમો પાડતી રહી, પરંતુ તેની મદદ કરવા કોઈ આવ્યું નહીં. પીડાને કારણે મહિલા થોડા સમય માટે બેભાન પણ થઈ ગઈ હતી.
સરકારે વચન પાળ્યું નથી
અચેહ એકમાત્ર ઇન્ડોનેશિયન પ્રાંત છે જે શરિયા કાયદાનું પાલન કરે છે. આ કાયદામાં પુરૂષ સિવાયના અને સમલૈંગિકતા સાથે સેક્સ માણવા માટે ક્રૂર સજાની જોગવાઈ છે. જો સમલૈંગિકતા માટે દોષિત ઠરે તો 150ને જાહેરમાં કોરડા મારવામાં આવે છે. ઘણી વખત લોકો સજા પૂરી થાય તે પહેલા જ હોસ્પિટલ પહોંચી જાય છે. 2018 માં, સ્થાનિક સરકારે કહ્યું હતું કે તે જાહેરમાં સજાની પ્રથાને સમાપ્ત કરશે, પરંતુ આજ સુધી આવું થયું નથી.
બેભાન થઇ તો જગાડીને ફરી માર્યા ચાબૂક
આ વર્ષે જૂનમાં પણ એક વ્યક્તિને ક્રૂર સજાનો સામનો કરવો પડ્યો હતો. તેના પર લગ્ન પહેલા સેક્સનો આરોપ હતો, જેને શરિયા કાયદામાં અપરાધ ગણાવવામાં આવ્યો છે. આ માણસને જાહેરમાં 100 કોરડા મારવાની સજા ફટકારવામાં આવી હતી. સજા પૂરી થાય તે પહેલા જ તે બેભાન થઈ ગયો હતો, પરંતુ તે પછી પણ અધિકારીઓ રોકાયા ન હતા. માણસને ભાનમાં લાવવામાં આવ્યો અને સજા પૂરી કરાઇ હતી.