લોકડાઉનમાં ટીવી જોઈને ટાઈમપાસ કરનાર લોકો માટે સારાં સમાચાર છે. ઈન્ડિયન બ્રોડકાસ્ટિંગ ફાઉન્ડેશનએ જાહેરાત કરી છે કે, ટીડીએચ અને કેબલ નેટવર્ક પર આગામી 2 મહિના માટે 4 પોપ્યુલર પેઈડ ચેનલને ફ્રી કરી દેવામાં આવી છે. કંપનીએ કહ્યું, કોરોના વાયરસની જંગમાં સરકારનો સાથ આપવા માટે આ નિર્ણય લેવામાં આવ્યો છે.
ડીટીએચ અને કેબલના ગ્રાહકો માટે સારાં સમાચાર
હવે આ પોપ્યુલર ચેનલ્સ ફ્રીમાં જોઈ શકાશે
લોકડાઉનને કારણે કંપનીએ લીધો નિર્ણય
આઈબીએફે Sony Pal, Star Indiaનું Star Utsav, Zee TVનું Zee Anmol અને Viacom18’s Colors ચેનલનું Colors Rishteyને ફ્રી કરી દીધું છે. એસોસિએશનનું માનવું છે કે, આ નિર્ણયથી ઘરમાં રહેતાં લોકો વધુ સારી રીતે ઘરે સમય પસાર કરી શકશે અને આ ફ્રી ચેનલોને જોઈને મનોરંજન કરી શકશે.
આઈબીએફે એવું પણ કહ્યું કે, કોરોના મહામારીને કારણે ઉદ્યોગની એડવર્ટાઈઝથી થતી આવક પર પણ ખરાબ અસર થશે. જેના કારણે કંપની પણ ખરાબ સમયમાંથી પસાર થઈ રહી છે પરંતુ આ કપરાં સમયમાં લોકોની મદદ માટે કંપની સરકારની સાથે છે.
પહેલાં આટલી હતી કિંમત
ગ્રાહકોને પહેલાં સોની પલ માટે 1 રૂપિયો, સ્ટાર ઉત્સવ માટે 1 રૂપિયા, ઝી અનમોલ માટે 0.1 રૂપિયા અને કલર્સ રીશ્તે માટે 1 રૂપિયો ચૂકવવો પડતો હતો.