કાર્યવાહી / ગુજરાતમાં ગેરકાયદે બાંગ્લાદેશીઓનું હવે આવી બન્યું! સુરત, વડોદરા સહિતના શહેરોમાં મેગા કોમ્બિંગ પૂરજોશમાં

પહેલગામ આતંકી હુમલાબાદ ગેરકાયદે વસવાટ કરી રહેલા બાંગ્લાદેશીઓને શોધી-શોધીને તેમના ડોક્યુમેન્ટ્સ ચકાસવાની કામગીરી ચાલી રહી છે. છેલ્લા બે દિવસથી મોટી સંખ્યામાં આવા બાંગ્લાદેશીઓની અટકાયત થઇ રહી છે.

વડોદરા

આજે વડોદરામાં કુલ 26 જેટલા શંકાસ્પદ બંગાળીની અટકાયત કરાઇ હતી તેમની પાસે પશ્ચિમ બંગાળનું આધારકાર્ડ હતું અને તેઓ બાંગ્લાદેશી ભાષામાં વાતચીત કરતા હતા. સાથેજ સોની બજારમાં કામ કરતા 4 હજારથી વધુ બંગાળી કારીગરોનું વેરિફિકેશન કરાયું હતું. તપાસ દરમ્યાન 8 બાંગ્લાદેશીઓ ગેરકાયદે રહેતા હોવાનું સામે આવ્યું હતું.

સુરત

સુરતની વાત કરીએ તો સુરત પોલીસે 49 બાંગ્લાદેશીઓની અટકાયત કરી છે. પોલીસે વરાછા, સારોલી, પૂણામાંથી શંકાસ્પદ બાંગ્લાદેશીઓને ઝડપી લીધા હતા. પકડાયેલા બાંગ્લાદેશીઓના દસ્તાવેજોની તપાસ શરૂ કરાઇ છે, તેમના મોબાઇલનું પણ ચેકિંગ થશે.

આ પણ વાંચોઃ બોર્ડની પરીક્ષાને લઇને મહત્વની જાહેરાત, જાણો ક્યારે પ્રસિદ્ધ કરાશે ધો. 10-12નું પરિણામ

ભાવનગર

ભાવનગરની વાત કરીએ તો ભાવનગરમાં 1500 જેટલા શંકાસ્પદોનું સ્ક્રિનિંગ હાથ ધરાયું હતું. તેમના આધારકાર્ડ અને વોટર આઇડી સહિતના ડોક્યુમેન્ટ્સની તપાસ થઇ હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ