ચૂંટણી / પબુભા માણેક ફરી વિવાદમાં, મતદાતાને ધમકાવતો વીડિયો વાયરલ

દ્વારકાના પૂર્વ ધારાસભ્ય પબુભા માણેક ફરી વિવાદમાં આવ્યા છે. પ્રબુભાનો એક મતદારને ધમકાવતો વીડિયો ખુબ વાયરલ થયો છે.. આ વીડિયો દ્વારકારના કોઈ ગામનો છે. જ્યાં પુનમ માડમના પક્ષમાં મતદાન કરવા માટે પબુભા પ્રચાર માટે ગયા હતા. 

તે દરમિયાન કોઈ મતદારે પબુભાને પ્રશ્ન પુછ્યો તો પબુભા ભળકી ઉઠ્યા અને મતદારને કોંગ્રેસનો એજન્ટ ગણાવ્યો. સાથે સાથે કોંગ્રેસ પાસેથી પૈસા લઈને આવ્યો હોવાનું પણ કહ્યું. એટલું જ નહીં પરંતુ મતદારને બે લાફા મારવાનું પણ કહ્યું અને તેને ત્યાંથી દૂર લઈ જવા માટે કહ્યું.

મહત્વનું છે કે, વિધાનસભા ચૂંટણીમાં ઉમેદવારીમાં ભુલ બાબતે હાલ પબુભાનો કેસ સુપ્રીમ કોર્ટમાં ચાલી રહ્યો છે. હાઈકોર્ટના આદેશ બાદ પબુભાના ધારાસભ્ય તરીકેના તમામ પાવર છીનવી લેવામાં આવ્યા છે. તેવામાં આ પ્રકારે મતદારને ધમકાવતો વીડિયો પબુભાને ભારે પડી છે. ત્યારે શું બોલી રહ્યા છે વીડિયોમાં પબુભા તે પણ સાંભળો.