ટ્રેડ એનાલિસ્ટ રમેશ બાલાના જણાવ્યા અનુસાર પ્રારંભિક વલણો અનુસાર પઠાણે 29 જાન્યુઆરી રવિવારે ફિલ્મે લગભગ 70 કરોડની કમાણી કરીને ફરીથી ઇતિહાસ રચ્યો છે.
શાહરૂખની ફિલ્મ દરરોજ નવા રેકોર્ડ બનાવી રહી છે
પઠાણ કરી રહ્યું છે જંગી કમાણી
રવિવારે ફિલ્મે લગભગ 70 કરોડની કમાણી કરીને ફરીથી ઇતિહાસ રચ્યો છે
હાલ જ્યાં જુઓ ત્યાં પઠાણ ફિલ્મની વાતો થતી સંભળાય છે અને લોકોમાં ફિલ્મનો અનોખો ક્રેઝ જોવા મળી રહ્યો છે. શાહરૂખ ખાનની 'પઠાણ' બોક્સ ઓફિસ પર સતત ધમાલ મચાવી રહી છે. જેમાં મિડનાઇટ શો પણ શરૂ કરવામાં આવ્યા હતા. આ સાથે જ ક્યાંક લોકોએ થિયેટરમાં ડાન્સ કરીને તો ક્યાંક ફટાકડા ફોડીને પઠાણના આગમનની ઉજવણી કરી હતી. પઠાણની ધમાકેદાર એન્ટ્રી સાથે થિયેટરોમાં જાણે તેજ ફરી વળ્યું છે. શાહરૂખની ફિલ્મ દરરોજ નવા રેકોર્ડ બનાવી રહી છે. 4 વર્ષ બાદ કિંગ ખાનની કમબેક ફિલ્મથી સિનેમાઘરોની ચમક પાછી આવી છે.
#Pathaan Day 5 All-India Nett early estimates is a whopping ₹ 70 Crs.. 🔥
પઠાણ કરી રહ્યું છે જંગી કમાણી
પઠાણે ધમાકેદાર ઓપનિંગ કરીને ઘણા મોટા રેકોર્ડ તોડી નાખ્યા છે અને પઠાણે હિન્દી સિનેમાના સૌથી મોટા ઓપનર તરીકે ઈતિહાસના પાનામાં પોતાનું નામ નોંધાવ્યું છે. જણાવી દઈએ કે પઠાણને રિલીઝ થયાને 5 દિવસ થઈ ગયા છે પણ લોકોમાં હજુ પણ ફિલ્મને ઘણો ઉત્સાહ જોવા મળી રહ્યો છે. એવામાં આ વીકેન્ડ પણ પઠાણના નામે હતો. શાહરૂખ ખાનની ફિલ્મ પઠાણની 5મા દિવસની કમાણીના આંકડા પણ બહાર આવવા લાગ્યા છે. ટ્રેડ એનાલિસ્ટ રમેશ બાલાના જણાવ્યા અનુસાર પ્રારંભિક વલણો અનુસાર પઠાણે 29 જાન્યુઆરી રવિવારે લગભગ ફિલ્મે 70 કરોડની કમાણી કરીને ફરીથી ઇતિહાસ રચ્યો છે.
5 દિવસમાં 550 કરોડનો આંકડો પાર કરશે ફિલ્મ
જણાવી દઈએ કે પઠાણને પણ રવિવારની રજાનો ઘણો ફાયદો થયો છે. રમેશ બાલા અનુસાર પઠાણનું વર્લ્ડ વાઈડ ગ્રોસ કલેક્શન 5માં દિવસે રૂ. 550 કરોડને સ્પર્શી શકે છે. એટલે કલે માત્ર 5 દિવસમાં 550 કરોડની કમાણી એ પોતાનામાં જ એક મોટી સફળતા છે.
#Pathaan 5 days WW Gross expected to be in the range of ₹ 550 Crs..
શું મન્ડે ટેસ્ટમાં પાસ થશે પઠાણ?
હવે વીકએન્ડ પૂરો થઈ ગયો છે અને પઠાણ માટે ખરી કસોટીનો સમય આવી ગયો છે. છેલ્લા 5 દિવસથી પઠાણ ડબલ ડિજિટમાં જ કમાણી કરી રહી છે પણ હવે નવા અઠવાડિયાના દિવસોમાં પણ કમાણીનો આ ટ્રેન્ડ ચાલુ રહેશે કે નહીં તે આજે ખબર પડશે. બોક્સ ઓફિસ પર પઠાણનું કલેક્શન ઓછું નહીં થાય કારણ કે ફિલ્મ પ્રેમીઓ પાસે સિનેમાઘરોમાં જોવા માટે અન્ય કોઈ મોટી ફિલ્મ નથી. હાલ લોકોની નજર પઠાણના આ અઠવાડિયાણઆ પહેલા દિવસના કલેક્શન પર રહેશે.
પઠાણ ફિલ્મ વિશે થોડી જાણકારી
શાહરૂખ ખાન, દીપિકા પાદુકોણ અને જ્હોન અબ્રાહમ પહેલીવાર પઠાણમાં સાથે આવ્યા છે અને આ ફિલ્મ સિદ્ધાર્થ આનંદ દ્વારા લખવામાં અને નિર્દેશિત કરવામાં આવી છે અને યશ રાજ ફિલ્મ્સ દ્વારા બેંકરોલ કરવામાં આવી છે. જણાવી દઈએ કે YRF સ્પાય યુનિવર્સની આ ચોથી ફિલ્મ છે. આ ફિલ્મ 25 જાન્યુઆરી, 2023ના રોજ તમિલ અને તેલુગુમાં ડબ વર્ઝન સાથે રિલીઝ થઈ હતી અને ફિલ્મમાં શાહરૂખ ખાન 'પઠાણ' નામના RAW ફીલ્ડ એજન્ટ તરીકે જોવા મળે છે. નોંધનીય છે કે પઠાણનું સંગીત વિશાલ-શેખરે કમ્પોઝ કર્યું છે અને સ્કોર સંચિત બલ્હારા અને અંકિત બલ્હારાએ કમ્પોઝ કર્યું છે.