અમદાવાદ: PAASની બેઠકમાં હોબાળો થયો હતો. અલ્પેશ કથિરિયાની જેલમુક્તિ અંગે સોલા વિસ્તારમાં બેઠક મળી હતી. આ બેઠક દરમિયાન હોટલમાં લાઈટ ગુલ થતા હોબાળો થયો હતો. જેને લઈને હાર્દિક પટેલ બેઠક છોડીને રવાના થઈ ગયો છે. આ મામલે PAASએ તંત્ર દ્વારા લાઈટ ગુલ કરી દેવાનો આક્ષેપ કર્યો છે.
પાસના કન્વીનરોએ આક્ષેપો કર્યા છે કે તંત્ર દ્વારા લાઇટ ગુલ કરાઇ છે. તમામ કન્વીનરો આગામી રણનીતિ ઘડશે. હોટલ માલિકે અમને હોટલ ખાલી કરાવી. હોટલ માલિક પર સરકારે દબાણ કર્યાનો કન્વીનરોનો આક્ષેપ છે.
મહત્વનું છે કે સોલા વિસ્તારમાં PAASની બેઠક મળી હતી. હોટલમાં લાઇટ ગુલ થયા બાદ હોટલ માલિકે પાસ કન્વીનરોને બહાર કાઢ્યા હતા. જેને લઇને હોટલ સ્ટાફ અને પાસ કન્વીનરો વચ્ચે બોલાચાલી થઇ હતી.