સુરતમાં અલ્પેશ કથિરીયા વિરુદ્ધ કામરેજ પોલીસે એટ્રોસિટીનો ગુનો દાખલ, મનપા ચૂંટણીના મતદાનના દિવસે BTPના કાર્યકર્તાઓ સાથે મારામારીનો કેસ
સુરતમાં અલ્પેશ કથીરિયાની SOGએ કરી ધરપકડ
PAASના કન્વીનર અલ્પેશ કથીરિયાની ધરપકડ કરાઈ
ચૂંટણીના દિવસે થયેલી માથાકૂટને લઈ કાર્યવાહી
સુરતમાં અલ્પેશ કથીરિયાની SOG દ્વારા ધરપકડ કરવામાં આવી છે. મતદાનના દિવસે થયેલી માથાકૂટને લઈ કાર્યવાહી કરવામાં આવી છે. અલ્પેશ કથિરીયા વિરુદ્ધ કામરેજ પોલીસે એટ્રોસિટીનો ગુનો દાખલ કરાયો હતો. મનપા ચૂંટણીના મતદાનના દિવસે કામરેજના વેલંજા મથક પર BTPના કાર્યકર્તાઓ સાથે મારામારી બાદ કેટલાક લોકોને હોસ્પિટલમાં ખસેડાયા હતા.
સુરતમાં મતદાન પ્રક્રિયા સમયે કામરેજના વેલંજા મથક પર બબાલ થઈ હતી. પાટીદાર નેતા અલ્પેશ કથિરીયા પણ મારામારીમાં સામેલ હોવાની વાત સામે આવી હતી. PAAS-BTPના કાર્યકર્તાઓ વચ્ચે બબાલ થઈ હતી. PAASના કાર્યકરોએ ગાડીમાં તોડફોડ કરી હોવાનો પણ આક્ષેપ લાગ્યો હતો. તો સાથે BTPના ચૂંટણી એજન્ટોને માર માર્યો હોવાની પણ વાત સામે આવી હતી.
સુરતમાં PAAS-BTPના કાર્યકરો વચ્ચે બબાલ. જ્યાં એક કારમાં બેસેલા વ્યક્તિ દ્વારા વીડિયો ઉતારવામાં આવી રહ્યો હતો. જેને જોઈ અલ્પેશ કથિરીયાએ તેની પાસે પહોંચી પૂછ્યું કે, કોણ છો તમે, કારમાં બેસેલા વ્યક્તિએ કહ્યું કે, કેમ તારે શું કામ છે. અલ્પેશ કથિરીયાએ કહ્યું કે, તુંકારો કેમ આપે છે. pic.twitter.com/Z2gKCmfmYN