IPLIN
 
  • Home
  • India
  • P Chidambaram to remain in CBI custody till Monday 5 september

INX મીડિયા કેસ / ચિદંબરમને રાહત નહીં, કોર્ટે વધારી એક દિવસની CBI કસ્ટડી

Team VTV 04:48 PM, 02 Sep 19 | Updated: 06:08 PM, 02 Sep 19
Follow us
P Chidambaram to remain in CBI custody till Monday 5 september

પી ચિદંબરમની જામીન અરજી સ્પેશિયલ સીબીઆઇ કોર્ટે ફગાવી દીધી છે. કોર્ટે સોમવારે તેમની સીબીઆઇ કસ્ટડી એક દિવસ માટે વધારી દીધી છે. હવે આ મામલે કાલે 3.30 કલાકે ફરી સુનાવણી થશે. પી ચિદંબરમ તરફથી કપિલ સિબ્બલે જામીન અરજી દાખલ કરી હતી. આઇએનએક્સ મીડિયા મામલે ચિદંબરમની સીબીઆઇએ ધરપકડ કરી હતી.

આઇએનએક્સ મીડિયા કેસમાં સુપ્રીમ કોર્ટમાં સોમવારે કોંગ્રેસના નેતા પી. ચિદંબરમે કહ્યું હતું કે તેઓ અંતરિમ(વચગાળાની) રાહત માટે કોર્ટમાં જશે. ચિદંબરમે કોર્ટને કહ્યું કે, તેમની ઉંમર 74 વર્ષ છે, તેમને નજરબંધ કરવામાં આવે. તેનાથી કોઇને કંઇ નુકસાન નહીં પહોંચે. જેના પર કોર્ટે કહ્યું કે, તેમને તિહાડ જેલ ન મોકલવામાં આવે. ચિદંબરમે દિલ્હી હાઇકોર્ટના નિર્ણયને સુપ્રીમ કોર્ટમાં પડકાર્યો છે.

સુપ્રીમ કોર્ટે પી. ચિદંબરમની અરજી પર સુનાવણી કરતા તેમને તિહાડ જેલ મોકલવાની સમયમર્યાદા 5 સપ્ટેમ્બર સુધી વધારી દીધી છે. હવે આ મામલે આગામી સુનાવણી ગુરૂવારે થશે. આ મામલે સુનાવણી જજ ભાનુમતી, જજ બોપન્નાની બેન્ચ સામે થઇ.

જોકે સીબીઆઇ તરફથી અપીલ કરવામાં આવી કે આ મામલે મંગળવારે સુનાવણી કરવામાં આવે જ્યારે ચિદંબરમ તરફથી તેનો વિરોધ કરાયો હતો. ચિદંબરમના વકીલ કપિલ સિબ્બલે કહ્યું કે, કોર્ટે અમારી અપીલ ન સાંભળી, અમે પોતાની નોટિસનો જવાબ અડધી રાત્રે જ આપી દીધો, અમે રિમાન્ડને પણ પડકાર આપ્યો છે.

તેમણે કહ્યું કે, સીબીઆઇની નોટિસ માન્ય ન હતી, કારણ કે અમારો મામલો સુપ્રીમ કોર્ટમાં હતો. તેમણે કહ્યું કે, 74 વર્ષના ચિદંબરમને ઘરમાં જ નજરબંધ રાખી શકાતા હતા. સિબ્બલે કહ્યું કે, ચિદંબરમને અંતરિમ પ્રોટેક્શન આપો, તેઓ ક્યાંય નહીં જાય, જો તેમને તિહાડ જેલ મોકલવામાં આવશે તો તેમની અપીલનો કોઇ ફાયદો નહીં થાય. સિબ્બલે કહ્યું કે, ચિદંબરમ 74 વર્ષના છે, પૂર્વ મંત્રી છે અને તેવામાં તેમની સાથે આ પ્રકારનો વ્યવહાર કરવામાં આવી રહ્યો છે.

P Chidambaram cbi Supreme Court INX Media Case ચિદંબરમ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ