EDની કાર્યવાહીમાં ફસાયેલા પૂર્વ કેન્દ્રીય મંત્રી પી.ચિદમ્બરમનો પરિવાર સત્તાવાર રીતે લગભગ 175 કરોડ રૂપિયાની સંપત્તિનો માલિક છે. જો કે તપાસ એજન્સીઓનો આરોપ છે કે તેમની વાસ્તવિક સંપત્તિ આનાથી ઘણી વધારે છે. પી. ચિદમ્બરમ્ પર INX મીડિયાને ફૉરેન ઇન્વેસ્ટમેન્ટ પ્રમોશન બોર્ડથી ગેરકાયદે રૂપથી સ્વીકૃતિ અપાવવા માટે લાંચ લેવાનો આરોપ છે. આ મામલો 2007નો છે જ્યારે ચિદમ્બરમ દેશના નાણાંમંત્રીના પદ પર હતાં.
રાજ્યસભા ચૂંટણી માટે પી. ચિદમ્બરમ દ્વારા જમા કરાયેલ ઍફીડેવિટ અનુસાર તેમના અને તેમની પત્ની પાસે આશરે 95.66 કરોડ રૂપિયાની સંપત્તિ છે. તેમના પર આશરે 5 કરોડ રૂપિયાનું દેવું પણ છે. તેઓ મહારાષ્ટ્રથી રાજ્યસભાના સભ્ય છે. જો કે તેમના દ્વારા દર્શાવાયેલી આ સંપત્તિ ચાર વર્ષ પહેલા થયેલી રાજ્યસભા ચૂંટણી દરમ્યાનની છે. તેમના દીકરા કાર્તિ ચિદમ્બરમે પોતાની સંપત્તિ 80 કરોડ રૂપિયા જાહેર કરી છે. એટલે કે ચિદમ્બરમ પરિવાર પાસે આશરે 175 કરોડ રૂપિયાની ઘોષિત સંપત્તિ છે.
ચિદમ્બરમ એક ધનવાન પરિવારમાંથી આવે છે અને દેશના ટૉપના વકીલોમાંના એક છે. તેમની એક સુનાવણીની ફી લાખોમાં હોય છે. તેમનો જન્મ તામિલનાડુના શિવગંગા જિલ્લામાં એક ધનવાન બિઝનેસમેન ચેટ્ટિયાર પરિવારમાં થયો હતો. તેમના નાના ચેટ્ટિનાડના એક ધનવાન બૅંકર હતા. વર્ષ 2014-15માં ચિદમ્બરમે પોતાની વાર્ષિક આવક 8.5 કરોડ રૂપિયા અને પત્નીની આવક 1.25 કરોડ રૂપિયા બતાવી હતી.
બ્રિટેનમાં મકાન, 25 કરોડ રૂપિયા જમા:
ચિદમ્બરમની સંપત્તિમાં લગભગ 5 લાખ રૂપિયા રોકડ, 25 કરોડ રૂપિયા બૅંકમાં અને અન્ય સંસ્થાઓમાં જમા બોલે છે, 13.47 કરોડ રૂપિયાના શૅર, ડિબેન્ચર વગેરેમાં રોકાણ, પોસ્ટ ઑફિસ યોજનાઓમાં આશરે 35 લાખ રૂપિયા જમા, લગભગ 10 લાખ રૂપિયાની વીમા પોલીસીઓ, આશરે 27 લાખ રૂપિયાની લક્ઝરી કાર્સ તેમ જ 85 લાખ રૂપિયાની આસપાસ દાગીનાનો સમાવેશ થાય છે. તેમની સૌથી મોટી ડિપૉઝીટ 20 કરોડ રૂપિયા છે જ્યારે મિનિમમ ડિપૉઝીટ 3000 રૂપિયાની છે. આ ઉપરાંત સ્થાયી મિલકતની વાત કરીએ તો આશરે 7 કરોડ રૂપિયાની ઍગ્રિકલ્ચર જમીન, 45 લાખ રૂપિયાની કમર્શિયલ પ્રોપર્ટી, 32 કરોડ રૂપિયાના રહેણાંક મકાનો અને બ્રિટેનના કૅમ્બ્રિજમાં આશરે 1.5 કરોડ રૂપિયાની પ્રોપર્ટી શામેલ છે.
ધરાવે છે ત્રણ કારઃ
ચિદમ્બરમ પાસે 3 કાર્સ છે જેમાં હોન્ડા ઉપરાંત ટોયોટા ઈનોવા અને સ્કોડા શામેલ છે. ચિદમ્બરમે પોતાની ઍફિડેવિટમાં એ નથી જણાવ્યું કે તેમની પાસે હોન્ડા અને સ્કોડાનું કયું મોડલ છે અને તેની કુલ કિંમત 27 લાખ રૂપિયા બતાવાઈ છે.
કાર્તિ ચિદમ્બરમ પાસે 80 કરોડ રૂપિયાની સંપત્તિઃ
તેમના દીકરા કાર્તિ ચિદમ્બરમ તામિલનાડુની શિવગંગા લોકસભા ક્ષેત્રથી સાંસદ છે. લોકસભા ચૂંટણીમાં તેમના દ્વારા જમા કરાવેલી ઍફિડેવિટ મુજબ તેમના અને તેમની પત્ની પાસે 80 કરોડ રૂપિયાની સંપત્તિ છે. તેમના અને તેમની પત્ની પર આશરે 16 કરોડ રૂપિયાનું દેવું છે. તેમની પાસે 34 કરોડ રૂપિયાની મિલકત છે જેમાં 6 લાખ રૂપિયાની રોકડ, 16 લાખ રૂપિયાની FD, આશરે 25 લાખ રૂપિયાની બૅંક ડિપોઝીટ, આશરે 17 લાખ રૂપિયાના શૅર અને બૉન્ડ, 1.5 કરોડ રૂપિયાના NSC અને વીમા, 77 લાખ રૂપિયાના દાગીના શામેલ છે. તેમની પાસે 46 કરોડ રૂપિયાની સ્થાયી મિલકત છે. જેમાં 100 એકર ખેતી જમીન, 95 લાખ રૂપિયાની કમર્શિયલ બિલ્ડીંગ, કૅમ્બ્રિજમાં 4.5 કરોડ રૂપિયાનું મકાન, દિલ્હીમાં 19 કરોડ રૂપિયાનું મકાન અને ચૅન્નઈમાં 3.5 કરોડ રૂપિયાનું મકાન શામેલ છે.
કાર્તિ પાસે વિદેશમાં કુલ 25 પ્રોપર્ટીઃ
CBIએ સુપ્રીમ કોર્ટેને જણાવ્યું કે પી. ચિદમ્બરમ અને તેમના દીકરા કાર્તિના નામે વિદેશમાં કુલ 25 પ્રોપર્ટી છે. CBIના વકીલનું કહેવું છે કે કાર્તિએ આ તમામ પ્રોપર્ટી શૅલ કંપનીઓના નામથી ખરીદી છે. જો કે ચિદમ્બરમના વકીલે આ બાબતને નિરાધાર જણાવી રહ્યાં છે.
સ્પેનમાં ટૅનિસ ક્લબ, યુકેમં કૉટેજઃ
તપાસ એજન્સીઓનો આરોપ છે કે ચિદમ્બરમની વાસ્તવિક સંપત્તિ જાહેર કરાઈ છે તેના કરતા કેટલીય ગણી વધારે છે. EDનો તો આરોપ છે કે તેમના દીકરા કાર્તિ ચિદમ્બરમ પાસે સ્પેનના બાર્સિલોનામાં આશરે 23 કરોડ રૂપિયાનું એક ટૅનિસ ક્લબ છે અને બ્રિટેનમાં કૉટેજ ખરીદ્યા છે. તેમની પાસે રોકાણ માટે આ નાણાં ક્યાંથી આવ્યા, તેના વિશે એજન્સીઓ પૂછપરછ કરવા માંગે છે. EDનો આરોપ છે કે INX મીડિયા મામલે મળેલી લાંચથી આ પ્રોપર્ટી ખરીદાઈ છે. આ મામલે કાર્તિની સાથે પી. ચિદમ્બરમ પણ આરોપી છે. તેઓ ઍરલેસ-મેક્સિસ 2G ગોટાળા કેસમાં પણ દીકારની સાથે સહ-આરોપી છે.
EDએ 54 કરોડની સંપત્તિઓ ટાંચમાં લીધીઃ
EDએ ચિદમ્બરમ પરિવારની આશરે 54 કરોડ રૂપિયાની સંપત્તિ જપ્ત કરી છે. જેમાં ભારત, બ્રિટન અને સ્પેનમાં ફેલાયેલી પ્રોપર્ટી શામેલ છે.
1. તામિલનાડુના કોડઈકેનાલ અને ઉટીમાં કૃષિ જમીન અને બંગલા
2. સાઉથ દિલ્હીના જોરબાગમાં કાર્તિ અને તેમની માતાના નામે 16 કરોડ રૂપિયાનો બંગલો
3. બ્રિટનમાં 8.67 કરોડ રૂપિયાના કૉટેજ અને મકાન
4. સ્પેનના બાર્સિલોનામાં 14.5 કરોડ રૂપિયાનું ટેનિસ ક્લબ
5. ચેન્નઈની એક બેંકની બ્રાન્ચમાં 90 લાખ રૂપિયાની FD