INX મીડિયા કેસ / ચિદમ્બરમનાં પરિવારનો સરકાર પર આક્ષેપ, 'કોર્ટ પહેલા નિર્ણય સંભળાવવો અયોગ્ય'

પૂર્વ નાણાંમંત્રીનાં પરિવાર તરફથી રજૂ કરવામાં આવેલ નિવેદનમાં કહેવામાં આવ્યું કે, કેન્દ્ર સરકાર પી ચિદમ્બરમને તંગ કરવા અને નીચે દેખાડવા માટે આવું કરી રહી છે પરંતુ આ પૂરા મામલાને જે રીતે મીડિયા રજૂ કરી રહી છે તે ખૂબ જ નિરાશાજનક છે. પરંતુ તમામે એ યાદ રાખવું જોઇએ કે કોઇ પણ માનવી ત્યાં સુધી દોષી ના સાબિત થઇ શકે કે જ્યાં સુધી તેની વિરૂદ્ધ લગાવવામાં આવેલ આરોપ સાચા સાબિત ના થઇ જાય. એવામાં કોર્ટ પહેલાં કોઇને લઇને નિર્ણય સંભળાવવો એ બરાબર નથી.

ઉલ્લેખનીય છે કે આઈએનએક્સ મીડિયા કેસમાં પૂર્વ નાણાંમંત્રી અને કોંગ્રેસનાં કદાવર નેતા પી. ચિદમ્બરમ પર એજન્સીઓનો શકંજો કસાતો જઇ રહ્યો છે. પી. ચિદમ્બરમ 30 ઓગસ્ટ સુધી સેન્ટ્રલ બ્યુરો ઓફ ઇન્વેસ્ટિગેશન (CBI)ની કસ્ટડીમાં છે, જ્યારે બીજી તરફ ઇડી પણ તેની કસ્ટડી માંગે છે. પી.ચિદમ્બરમે પૂછપરછમાં આપેલા જવાબોથી સીબીઆઈ સંતુષ્ટ નથી. ત્યારે આવી સ્થિતિમાં એજન્સી હવે ભૂતપૂર્વ નાણામંત્રીને લાઇ ડિટેક્ટર ટેસ્ટ (એલડીટી)ની અપીલ કરી શકે છે.

સૂત્રોનું માનીએ તો CBI ધરપકડ દરમ્યાન પૂર્વ નાણાંમંત્રીને કરવામાં આવેલી પૂછપરછમાં જવાબોથી સંતુષ્ટ નથી. સીબીઆઇની દલીલ એવી છે કે ચિદમ્બરમે ઇમેઇલ કોમ્યુનિકેશન અને પૈસાની લેણદેણ માટે જે પણ કર્યુ તેના સવાલોનાં યોગ્ય જવાબો આપ્યાં નથી. એજન્સીનાં જણાવ્યાં મુજબ ચિદમ્બરમ અધિકારીઓને એક જ જવાબ આપતા હતાં કે, 'મને યાદ નથી, મને ખબર નથી.'

CBIની કસ્ટડીમાં છે ચિદમ્બરમ
ચિદમ્બરમ હાલમાં આઈએનએક્સ મીડિયા કરપ્શન અને મની લોન્ડ્રિંગ કેસમાં સીબીઆઈની કસ્ટડીમાં છે. દિલ્હીની વિશેષ સીબીઆઈ કોર્ટે સોમવારે તેમની અટકાયત વધારીને 30 30 ઓગસ્ટ કરી દીધી છે. તે જ સમયે પ્રવર્તમાન નિર્દેશાલય (ઇડી) પણ ચિદમ્બરમની ધરપકડમાં લાગી ગઇ છે.

મહત્વનું છે કે, સુપ્રીમ કોર્ટની આ પીઠ આઈએનએક્સ મીડિયા મની લોન્ડ્રિંગ કેસમાં ચિદમ્બરમની આગીમ જામીન રદ કરવાનાં દિલ્હી હાઈકોર્ટનાં 20 ઓગસ્ટના નિર્ણય સામે દાખલ કરેલી અપીલ પર સુનાવણી કરી રહી છે.

સીબીઆઈ બનાવશે આરોપી નંબર વન?
અહીં એવાં અહેવાલો છે કે સીબીઆઈ ચિદમ્બરમને આઈએનએક્સ મીડિયા કેસમાં (INX Medica Case) આરોપી નંબર વન બનાવી શકે છે. એવાં અહેવાલો પણ મળી રહ્યાં છે કે, ટોચની તપાસ એજન્સી કોર્ટને ચિદમ્બરમ માટે લાઇ ડિટેક્ટર ટેસ્ટનો પણ આગ્રહ કરી શકે છે. સૂત્રોએ જણાવ્યું હતું કે પૂછપરછ દરમિયાન ચિદમ્બરમ સીબીઆઈનાં પ્રશ્નોનાં ગોળમટોળ જવાબ આપી રહ્યાં છે.