મોદી સરકારે સોમવારે Central Board of Direct Taxes (CBDT)ના ચેરમેન P C મોદીને 6 મહિનાનું એક્સ્ટેન્શન આપ્યું છે. નોંધનીય છે કે તેઓનો ટેન્યોર 31 ઓગસ્ટે પૂરો થઇ રહ્યો હતો.
હવે તેઓ આ દેશના ડિરેક્ટ ટેક્સના બોર્ડના ચેરમેન પદે 28 ફેબ્રુઆરી 2021 સુધી ફરજ બજાવશે. મોદી 1981ની બેચના ઇન્કમટેક્સ કેડરના IRS અધિકારી છે જેઓ CBDTના ચેરમેન તરીકે 31 ઓગસ્ટ 2019ના રોજ વયમર્યાદાના પગલે નિવૃત્ત થવા જઈ રહ્યા હતા. જો કે ત્યારે પણ તેમને એક વર્ષનું એક્સ્ટેન્શન આપવામાં આવ્યું હતું.
કોરોનાના કપરા કાળમાં સાંભળી રહ્યા છે ચેરમેન પદ
હવે તેઓને બીજું એક્સ્ટેન્શન મળ્યું છે. તેઓ અત્યારે એવા સમયમાં CBDTની ધુરા સાંભળી રહ્યા છે જયારે સમગ્ર દેશનું અર્થતંત્ર કોવિડ 19ને કારણે અસ્તવ્યસ્ત થઇ ગયું છે અને દેશના ટેક્સ કલેક્શનમાં ભારે ઘટાડો થયો છે.
CBDTના ઇન્વેસ્ટીગેશન મેમ્બર તરીકેનો એડિશનલ ચાર્જ
વડાપ્રધાનના વડપણ હેઠળની એપોઇન્ટમેન્ટ કમિટી ઓફ કેબિનેટે મોદીના બીજા એક્સ્ટેન્શનને મંજૂરી આપી દીધી છે. તેઓ CBDTના ચેરમેન ઉપરાંત CBDTના ઇન્વેસ્ટીગેશન મેમ્બર તરીકેનો એડિશનલ ચાર્જ સંભાળશે.
S K ગુપ્તાને પણ તેમની વય નિવૃત્તિ પછી એક્સ્ટેન્શન
હાલમાં જ CBDTના સભ્ય S K ગુપ્તાને પણ તેમની વય નિવૃત્તિ પછી એક્સ્ટેન્શન આપવામાં આવ્યું હતું. એવું માનવામાં આવે છે કે ગુપ્તા આવતા વર્ષે મોદીનો કાર્યકાળ પૂરો થયા બાદ CBDTના ચેરમેનનું પદ સંભાળશે.