ઓયો (OYO) હોટેલ્સ એન્ડ હોમ્સ પોતાના ગ્રાહકોને બુકિંગની કિંમત પર 10 લાખ રૂપિયાના કૉમ્પ્લિમેન્ટરી ઈન્શ્યોરન્સ કવરની જાહેરાત કરી છે.
આ કૉમ્પ્લિમેન્ટરી ઈન્શ્યોરન્સ માટે કંપનીએ 'જનરલ ઈન્શ્યોરન્સ' કંપની સાથે પાર્ટનરશિપ કરી છે. OYOએ એક નિવેદનમાં જણાવ્યું હતું કે, 'કૉમ્પ્લિમેન્ટરી ઇન્શોરન્સ પેકેજ હેઠળ OYO મહેમાનોને 10 લાખ રૂપિયાનો ઇન્શોરન્સ આપશે. તેમાં અકસ્માતમાં મૃત્યુ થવા પર 10 લાખ રૂપિયાનું કવરેજ, વસ્તુ ખોવાઈ જવા પર 10 હજાર રૂપિયાનું કવરેજ,અકસ્માતમાં સારવારના ખર્ચ પર 25 હજાર રૂપિયા સુધીનું કવરેજ અને ઓપીડી ટ્રીટમેન્ટ જેવી અન્ય સુવિધાઓ આપવામાં આવશે'.
OYOનું કહેવું છે કે, આ સુવિધા OYO હોટેલ, OYO હોમ, OYO ટાઉનહાઉસ, ક્લેક્શન ઓ, સિલ્વરકી, કેપિટલ ઓ અને પેલેટ રિસોર્ટ્સમાં આપવામાં આવશે. ઉપરાંત OYO એપ, વેબસાઈટ, મોબાઈલ વેબસાઈટ, ડાયરેક્ટ બુકિંગ અથવા વોક ઈન બુકિંગ સહિતનાં તમામ પ્રકારનાં બુકિંગ પર આ સુવિધા આપવામાં આવશે.