ભવિષ્યમાં ઓક્સિજનના સપ્લાય ન ઘટે તે અંગે વડોદરાના OSD વિનોદ રાવ દ્વારા ઓક્સિજન સપ્લાયર્સ સાથે બેઠક યોજાઈ હતી
OSD વિનોદ રાવની બેઠક
ઓક્સિજનની સપ્લાય ન ઘટે તે અંગે ચર્ચા
20 નિષાણાંત ડોકટરની ટીમ બનાવાઇ
વડોદરાના OSD વિનોદ રાવની ઓક્સિજન સપ્લાયર્સ સાથે બેઠક કરી છે. રાજ્યના ફૂડ એન્ડ ડ્રગ કમિશનર પણ વડોદરાની બેઠકમાં હાજર રહ્યાં હતાં. ભવિષ્યમાં ઓક્સિજનના સપ્લાય ન ઘટે તે અંગે ચર્ચા કરવામાં આવી છે. હોસ્પિટલ ઇન્સ્પેક્ષન અને ઓડિટ માટે ટીમ બનાવી છે. જેમાં 20 નિષાણાંત ડૉકટરની ટીમ બનાવવામાં આવી છે. આજથી ખાનગી હોસ્પિટલમાં ચેકિંગ હાથ ધરાશે. બિનજરૂરી રીતે દર્દીઓને દાખલ કરેલ છે કે કેમ તે અંગે તપાસ કરાશે. કસૂરવાર હોસ્પિટલ સામે કાર્યવાહી કરાશે. ગઇકાલે નાયબ મુખ્યમંત્રી દ્વારા ટીમ બનાવવાની જાહેરાત કરવામાં આવી હતી.
વડોદરાની SSG હોસ્પિટલમાં ટેસ્ટને લઈને ભારે ભીડ જોવા મળી રહી છે.
વડોદરામાં કોરોનાને લઈને ગંભીર સ્થિતિનું નિર્માણ થયું છે. શહેરમાં ઠેરઠેર કોરોનાના ટેસ્ટ કરાવવા માટે લાંબી કતારો જોવા મળી રહી છે. વડોદરાની SSG હોસ્પિટલમાં પણ બે સેન્ટરો પર કોરોના ટેસ્ટને લઈને ભારે ભીડ જોવા મળી રહી છે. કોરોનાની ગંભીર સ્થિતિ વિશે જો વાત કરીએ તો ટેસ્ટ માટે લાઈનમાં ઉભેલા લોકોને પણ ઓક્સિજનની જરૂર પડી રહી છે.
ઉલ્લેખનીય છે કે કોરોનાની પરિસ્થિતિને જોતા રાજ્ય સરકાર પણ હરકતમાં આવી ગઈ છે ગઈકાલે નાયબ મુખ્યમંત્રી વડોદરાની મુલાકાતે હતા તો રાજ્ય સરકારના ઉચ્ચ અધિકારી પણ વડોદરા પર સતત નજર રાખી રહ્યા છે.
વડોદરાની SSG હોસ્પિટલની ઘોર બેદરકારી
વડોદરાના SSG કોવિડ કેરમાં વરવા દ્રશ્યો સર્જાયા છે. વડોદરાની SSG હોસ્પિટલની ઘોર બેદરકારી સામે આવી છે. SSG હોસ્પિટલમાં કોરોનાથી મૃત્યુ પામેલા મૃતકના મૃતદેહને કલાકો સુધી ખુલ્લામાં રાખવામાં આવ્યો. કોરોના મૃતકને સામાન્ય લોકોની અવર-જવર વચ્ચે જ રખાતા સવાલો ઉઠ્યા છે. કોરાના ગાઇડલાઇન અને મૃત્યુ બાદના પ્રોટોકોલનું ઉલ્લંઘન કરવામાં આવી રહ્યું છે. SSG હોસ્પિટલના મુખ્ય પ્રવેશ દ્વારમાં જ મૃતદેહ ખુલ્લામાં મૂકી રાખતા લોકોને સંક્રમણનું જોખમ વધ્યું છે.