કોરોના વાયરસ / વેક્સીનને લઇને આવ્યાં માઠા સમાચારઃ ઑક્સફોર્ડ વેક્સીનનું ટ્રાયલ રોકાયું, જાણો કારણ

એસ્ટ્રાજેનેકા દ્વારા આપવામાં આવેલા એક નિવેદનમાં કહેવામાં આવ્યું છે કે આ એક રૂટીન મુજબ રોકવામાં આવ્યું છે, કારણ કે પરીક્ષણમાં સમેલ વ્યક્તિની બીમારીમાં હજુ સમજમાં આવી રહી નથી. 

આ વેક્સીનનું નામ AZD1222 રાખવામાં આવ્યું હતું. WHOના જણાવ્યાં મુજબ દુનિયાના અન્ય વેક્સીન ટ્રાયલના મુકાબલામાં આ સૌથી આગળ ચાલી રહી હતી. ઉલ્લેખનીય છેકે ભારત સહિત કેટલાક દેશોની નજર ઑક્સફોર્ડ યૂનિવર્સિટીની વેક્સીન પર રહેલી છે.

આ સમયે દુનિયામાં અંદાજે એક ડઝન જગ્યાઓ પર કોરોના વેક્સીનનું ટ્રાયલ ચાલી રહ્યું છે, પરંતુ જાણકારોનું માનવું છે કે ઑક્સફોર્ડ યૂનિવર્સિટીનું ટ્રાયલ સૌથી આગળ છે. અહીં ત્રીજા ફેઝનું ટ્રાયલ થઇ રહ્યું છે અને ઘણી આશા છે કે માર્કેટમાં સૌથી પહેલી આવનાર વેક્સીન ઑક્સફોર્ડ યૂનિવર્સિટીની હશે. 

AFP ની સૂત્રોના જણાવ્યાં અનુસાર દુનિયાભરમાં ચાલી રહેલ ટ્રાયલને હાલમાં રોકી દેવામાં આવ્યાં છે અને એક સ્વતંત્ર તપાસ પછી ફરી શરુ કરવામાં આવી શકે છે. વેક્સીનના ત્રીજા તબક્કામાં ટ્રાયલમાં હજારો લોકો સામેલ થાય છે અને તેમાં કેટલીક વખત ઘણા વર્ષો લાગે છે.

કોરોના વેક્સીનના ત્રીજા તબક્કાના ટ્રાયલમાં અંદાજે 30 હજાર લોકો સામેલ છે. ઑક્સફોર્ડ યૂનિવર્સિટીના પ્રવક્તાએ કહ્યું, 'મોટા ટ્રાયલમાં બીમાર થવાની પુરી આશંકા છે, પરંતુ તેને ધ્યાનપૂર્વક ચેક ચેક કરવા માટે તેની સ્વતંત્ર પુનરાવર્તન કરવું ઘણું જરૂરી છે.' ઉલ્લેખનીય છે કે આ બીજી વખત થયું છે જ્યારે ઑક્સફોર્ડ યૂનિવર્સિટીમાં કોરોના વાયરસની વેક્સીનનું ટ્રાયલ રોકી દેવામાં આવ્યું છે.