કોરોના વાયરસ વેક્સીન પર દુનિયાના અલગ અલગ દેશમાં સંશોધન થઈ રહ્યા છે. આ સાથે રિપોર્ટમાં દાવો કરાયો છે કે ઓક્સફર્ડની એસ્ટ્રાજેનેકાની કોવિડ વેક્સીન AZD 1222 ફાઈઝર અને મોર્ડનાની સરખામણીએ ભારત માટે વધારે કારગર છે.
દેશભરમાં વેક્સીનને લઈને થયું સંશોધન
ભારત માટે ઓક્સફર્ડની વેક્સીન ફાયદાકારક
ફાઈબર અને મોર્ડનાની વેક્સીન કરતાં વધુ કારગર
કહેવાઈ રહ્યું છે કે ઓક્સફર્ડની એસ્ટ્રાજેનેકાનો ફક્ત અડધો ડોઝ જ અસરકારક છે. ટ્રાયલમાં જે લોકોને પહેલા ડોઝમાં ઓછી વેક્સીન મળી અને તેમને અન્ય ડોઝમાં પૂરતા પ્રમાણમાં વેક્સીન મળી તેમનામાં કોરોના સંક્રમણનું પ્રમાણ 90 ટકા ઘટતું જોવા મળ્યું છે. કોરોના સંક્રમણને રોકવામાં ઓક્સફર્ડની વેક્સીન 70.4 ટકા કારગર રહી હોવાનું રિપોર્ટમાં જાણવા મળી રહ્યુ છે.
લક્ષણો વિનાના લોકોને કોરોના સંક્રમણનો ખતરો ઓછો
રિપોર્ટ અનુસાર શરૂઆતના પરિણામથી જાણકારી મળી છે કે ઓક્સફર્ડની એસ્ટ્રાજેનેકાની વેક્સીન વૃદ્ધોની સાથે દરેક ઉંમરના લોકોને માટે અસરકારક રહી છે. આ વેક્સીનના ડોઝથી લક્ષણો વિનાના કોરોના સંક્રમણનો ખતરો પણ ઘટ્યો છે.
સ્ટોરેજ
આ વેક્સીનને સામાન્ય ફ્રિઝ ટેમ્પ્રેચર પણ રાખી શકાય છે જ્યારે ફાઈઝર અને મોર્ડના માટે -20થી -80 ડિગ્રીનું તાપમાન જરૂરી છે. એટલે કે તે બંને વેક્સીનની સરખામણીએ એસ્ટ્રાજેનેકાની સંભાળ સરળ છે.
કિંમત
ઓક્સફર્ડની એસ્ટ્રાજેનેકાની વેક્સીનની કિંમત પણ ફાઈઝર અને મોર્ડનાની સરખામણીએ ઘણી ઓછી છે. એક તરફ ઓક્સફર્ડની એસ્ટ્રાજેનેકા માટે 2.5 અમેરિકી ડોલર એટલે કે 185 રૂપિયાની કિંમત છે તો ફાઈઝર અને મોર્ડનાની કિંમત 20-25 અમેરિકી ડોલર એટલે કે 1500-1800 રૂપિયાની વચ્ચે આવી શકે છે.
90 ટકા અસરકારક છે ઓક્સફર્ડની વેક્સીન
મળતી માહિતી અનુસાર ઓક્સફર્ડના ગ્રૂપ નિર્દેશકે કહ્યું કે પરિણામોથી જાણી શકાયું છે કે અમારી પાસે એક અસરકારક વેક્સીન છે જે અનેક લોકોને બચાવશે. અમારા એક ડોઝથી લગભગ 90 ટકા પ્રભાવી પરિણામ મળે છે.