સારા સમાચાર / એકમાત્ર કોરોના વેક્સીન જે આ વર્ષે થઈ શકે છે સફળ, ભારતમાં પણ થઈ રહ્યું છે ઉત્પાદન

• ઓક્સફર્ડ યુનિવર્સિટીએ તૈયાર કરી ખાસ વેક્સીન
• AZD1222ને લઈને રાખવામાં આવી રહી છે આશા
• વર્ષના અંત સુધીમાં તૈયાર થઈ શકે છે આ સફળ વેક્સીન

ખાસ વાત તો એ છે કે ઓક્સફર્ડ યૂનિવર્સિટીની કોરોના વેક્સીન AZD1222 અન્ય વેક્સીન કેન્ડિડેટના આધારે ઘણી વધુ સફળતા મેળવી ચૂકી છે. ભારત સહિત અનેક દેશોમાં આ વેક્સીનનું નિર્માણ થઈ રહ્યું છે. પશ્ચિમના અનેક દેશ આ વેક્સીનને સૌથી સારી સમજી રહ્યા છે. 

વેક્સીનનું ટ્રાયલ પોઝિટિવ રહ્યું

શરૂઆતમાં અને ઓછા લોકો પર કરાયેલા ટ્રાયલમાં AZD1222 વેક્સીનનું રીઝલ્ટ સારું જોવા મળ્યું છે. મોટા ટ્રાયલમાં હજારો લોકોને આ વેક્સીન આપવામાં આવી રહી છે. જેનું પરિણામ આવવાનું બાકી છે. વેક્સીનનું ઉત્પાદન ઈટલીના રોમમાં એડવેંટ કંપનીએ કર્યું છે. 

આ દેશોએ ઓક્સફર્ડ વેક્સીન માટે કરી 40 કરોડ ડોઝની ડીલ

AZD1222 વેક્સીનને માટે યૂરોપના દેશ ઓક્સફર્ડ યૂનિવર્સિટી સામે લાઈનમાં છે. ગયા  અઠવાડિયે ઈટલી, જર્મની, ફ્રાંસ અને નેધરલેન્ડે ઓક્સફર્ડ વેક્સીનના 40 કરોડ ડોઝ માટે ડીલ કરી છે. મોટા ટ્રાયલ બાદ જો વેક્સીનને સરકારી એજન્સીની મંજૂરી મળે છે તો ઘણા ઓછા સમયમાં AstraZeneca લાખો ડોઝનું ઉત્પાદન કરશે. અમેરિકા અને બ્રિટનમાં આ કંપની સાથે કરાર કરી ચૂક્યા છે. 

ઈટલીના સ્વાસ્થ્ય મંત્રી રોબર્ટો સ્પેરંજાએ કહ્યું કે અમારા સાયન્ટિસ્ટ સમજે છે કે ઓક્સફર્ડની વેક્સીન સૌ પહેલાં આવશે. કોઈ અન્ય કંપની એમ કહી રહી નથી કે આ વર્ષના અંત સુધી વેક્સીન આવી જશે. 

દુનિયામાં આવી રીતે થઈ રહ્યું છે વેકસીન પર કામ

હાલમાં દુનિયામાં 100 લેબ, યૂનિવર્સિટી અને દવા કંપનીઓ કોરોના વેક્સીન પર કામ કરી રહી છે. WHOના આધારે 11 વેક્સીન કેન્ડીડેટ ક્લિનિકલ ટેસ્ટિંગ શરૂ કરી શકે છે. WHOએ કહ્યું છે કે ઓક્સફર્ડની વેક્સીન ટ્રાયલના છેલ્લા ફેઝમાં પહોંચી છે. આ પહેલાં બ્રિટનની એક કંરનીએ કહ્યું હતું કે ઓક્સફર્ડની વેક્સીનના લાખો ડોઝનું નિર્માણનું કામ શરૂ કરાયું છે. ભારત, સ્વિત્ઝરલેન્ડમાં પણ આ વેક્સીન બની રહી છે.