કોરોના / જે વેક્સિન પર ભારતને સૌથી વધુ આશા છે તેની કિંમત હશે આટલી

• ભારતમાં 225/ડૉઝ હોઈ શકે છે રસીની કિંમત 
• ભારતમાં ઓક્સફર્ડની રસીની સૌથી વધુ ચર્ચા 
• વિશ્વની છ જ વેક્સીન હાલમાં ત્રીજા ફેઝમાં 

અહેવાલો અનુસાર ઓક્સફર્ડની કોરોના વાયરસ વેક્સિન 3 ડોલર પ્રતિ ડોઝ રાખવામાં આવી શકે છે. તે અનુસાર પુણેની સિરમ ઇન્સ્ટીટયુટ સાથે મળીને ભારતમાં બની રહેલી વેક્સીનની કિંમત 225 રૂપિયા રાખવામાં આવી શકે છે. 

નોંધનીય છે કે હાલમાં ભારતની DCGI ( Drugs Controller General of India )એ સિરમ ઇન્સ્ટીટયુટને ક્લિનિકલ ટ્રાયલની મંજૂરી આપી હતી. યુકે અને બ્રાઝિલમાં વેક્સીન અત્યારે ત્રીજા ટ્રાયલમાં છે જયારે સાઉથ આફ્રિકામાં વેક્સીનનું પરીક્ષણ 1/2 ટ્રાયલમાં છે.    

નોંધનીય છે કે બુધવારે જ સિરમ ઇન્સ્ટીટયુટ દ્વારા મોટી જાહેરાત કરવામાં આવી હતી. ઇન્સ્ટીટયુટ દ્વારા Gavi સાથે પાર્ટનરશીપ પર હસ્તાક્ષર કરવામાં આવ્યા હતા. હવે આ સંસ્થા સાથે મળીને ભારત અને મધ્યમ આવક ધરાવતા દેશોમાં દસ કરોડ વેક્સીનની ડીલીવરી કરવામાં આવશે.  

કોરોના વાયરસની વેક્સીનને લઈને વિશ્વભરમાં યુદ્ધસ્તરે કામ ચાલી રહ્યું છે. દરેક દેશની ઈચ્છા છે કે તે પહેલા સ્થાન પર આવે. છતાં વિશ્વ સ્વાસ્થ્ય સંગઠન દ્વારા જે જાહેરાત કરવામાં આવી છે તે અનુસાર માત્ર છ જ વેક્સીન હાલમાં ત્રીજા ફેઝમાં પહોંચી શકી છે જેમાં ઓક્સફર્ડની વેક્સીન પણ સામેલ છે. ઘણા બધા નિષ્ણાતોને આ વેક્સીન આશા છે અને વેક્સીન સારું પરિણામ પણ આપી રહી છે.