સમગ્ર વિશ્વની નજર જે રસી પર છે તેનું ત્રીજુ ટ્રાયલ અમેરિકામાં શરુ થઈ ગયું છે. અસ્ત્રોજેનેકાની કોરોના રસીનો ત્રીજા ચરણનું ટ્રાયલ શરુ થઈ ગયું છે. અમેરિકાના રાષ્ટ્રપતિ ડોનાલ્ડ ટ્રમ્પે સોમવારે જાહેરાત કરી કે રસી એપ્રુવલની બહું નજીક છે. તેમણે એક પ્રેસ કોન્ફરન્સમાં કહ્યુંકે રસી બનાવવાની પ્રક્રિયામાં અનેક મહિનાઓ લાગી શકતા પણ મેનેજમેન્ટે થોડાક જ મહિનાઓમાં આ કરી બતાવ્યું. અસ્ત્રોજેનેકાની રસીને ઓક્સફોર્ડ યુનિ.ના રિસર્ચર્સે તૈયાર કરી છે. કંપનીએ કહ્યું કે અમેરિકામાં 80 જગ્યાએ લગભગ 30 હજાર લોકો પર ફેઝ 3ના ટ્રાયલ કરવામાં આવશે.
30 હજાર લોકો પર ફેઝ 3ના ટ્રાયલ કરવામાં આવશે
અમેરિકામાં 80 જગ્યાએ ફેઝ 3ના ટ્રાયલ કરવામાં આવશે
અસ્ત્રોજેનેકાની કોરોના રસીનો ત્રીજા ચરણનું ટ્રાયલ શરુ થઈ ગયુ
સોમવારે ટ્રમ્પે કહ્યું કે મને આ જાહેરાત કરતા બહું આનંદ થઈ રહ્યો છે કે અસ્ત્રોજેનેકાની રસી ત્રીજા ચરણના ક્લિનિકલ ટ્રાયલ્સમાં પહોંચી ગઈ છે. આ એ રસીની યાદીમાં સમાવિષ્ટ ચે જે પૂરી રીતે તૈયાર છે. અમેરિકામાં અમે એ કરી રહ્યા છીએ જે લોકોએ વિચાર્યુ પણ નહીં હોય.’
લગભગ30 હજાર લોકો પર આ રસી આપી રિસર્ચ કરવામાં આવશે. જેમાં 18 વર્ષથી ઓછી ઉંમરનાને આ રસી આપવામાં નહીં આવે. અલગ અલગ જીન્સના, સમુદાયો અને ભૌગોલિક સમૂહોના લોકોને ટ્રાયલ્સ માટે પસંદ કરાયા છે. સ્વસ્થ લોકો, કોઈ બિમારી સાથે લડી રહેલા તથા એચઆઈવી પોઝિટિવ લોકો પણ આ ટ્રાયલમાં ભાગ લેશે.
આ રસીના પેઝ-3નું ટ્રાયલ ઓપરેશન વાર્પ સ્પીડ અંતર્ગત કરવામાં આવી રહ્યું છે. કંપનીએ જાન્યુઆરી 2021 સુધી રસીની 300મિલિયન ડોઝ સપ્લાય કરવાની જવાબદારી લીધી છે. અસ્ત્રોજેનેકાની રસી ગ્લોબેલ રેસમાં ટોપની રસીમાં સામિલ છે. આ ઉપરાંત ચીનની બે રસી અને Moderna Inc. અને Pfizer Inc.ની રસી ફેઝ3ના ટ્રાયલમાંથી પસાર થઈ રહી છે.