AIMIM ચીફ અસાસુદ્દીન ઓવૈસી ગુરુવારે યુપીના ગાઝિયાબાદ અને હાપુડની મુલાકાતે ગયા ત્યારે તેમના સ્વાગતમાં સમર્થકો મોટી સંખ્યામાં ઉમટી પડ્યાં અને કોરોનાના નિયમોનો ઘોર ભંગ થયો.
હાપુડવાસીઓ તેમના માનીતા નેતાના સ્વાગતની મોટી તૈયારી કરીને જાણે બેઠા હોય તેમ જેવા ઓવૈસી ગાડીમાંથી નીચે ઉતર્યાં કે તરત સમર્થકો તેમને ઘેર વળ્યાં હતા તથા ધક્કામુક્કી કરવા લાગ્યા હતા.
સમર્થકો તેમના નેતાને નજીકથી જોવા માંગતા હતા આ દરમિયાન એવી ધક્કામુક્કી થઈ કે કોરોનાના નિયમોના ધજાગરા ઉડ્યાં.
ઓવૈસીના સ્વાગતમાં એવી ધક્કામુક્કી થઈ કે કોરોનાના નિયમોના ઉડ્યા ધજાગરા
ઓવૈસી જેવા ગાડીમાંથી ઉતર્યાં કે તરત જ સમર્થકો ફૂલહાર લઈને તેમના સ્વાગતમાં તૈયાર ઊભા હતા. સ્વાગત સમારોહમાં થયેલી ધક્કામુક્કીમાં ઓવૈસીને પણ ધક્કા લાગ્યા હતા. એક તબક્કે તો ભીડ પર કાબૂ મેળવવો અશક્ય બન્યો હોય તેવું લાગતું હતું.
તેમના સમર્થકો માસ્ક કે સોશિયલ ડિસ્ટન્સિંગના પાલન વગર જ એકબીજાને ધક્કામુક્કી કરીને ઔવેસી પાસે જવા લાગ્યા હતા. ઓવૈસી સમર્થકોને મળીને પાર્ટી ઓફિસનું ઉદ્ધાટન કરીને બારોબાર જતા રહ્યાં હતા. તેમણે મીડિયાને મળવાનું પણ પસંદ કર્યું નહોતું.
સ્થાનિકોએ ઓવૈસીના સ્વાગતમાં બાઈક રેલી કાઢી
સ્થાનિકોએ ઓવૈસીના સ્વાગતમાં બાઈક રેલી પણ કાઢી હતી. કેટલાક ઉત્સાહી સમર્થકોએ રસ્તા પર હોબાળો મચાવ્યો હતો તથા કોરોનાના નિયમોનું ખુલ્લેઆમ ભંગ કરતા રહ્યાં હતા.