નિવેદન / લવ જિહાદ ઉપર ઓવૈસીનો ફૂંફાડો; કહ્યું કાયદો બનાવતા પહેલા આટલું કરી લેજો

આ સાથે જ ઉત્તર પ્રદેશ સરકાર પણ ટૂંક સમયમાં આ વિશે કાયદો બનાવવા જઈ રહી છે. આ સિવાય બિહાર અને હરિયાણામાં પણ કાયદો બનાવવાની માંગ ઉઠી છે. 

દરમિયાન, AIMIMના રાષ્ટ્રીય અધ્યક્ષ અને હૈદરાબાદના સાંસદ અસદુદ્દીન ઓવૈસીએ આ કાયદાને બંધારણની ભાવનાની વિરુદ્ધ હોવાનું કહીને પહેલા બંધારણ વાંચવાનું સૂચન કર્યું છે. 

It'll be gross violation of Articles 14 & 21, scrap Special Marriage Act then. They should study Constitution. Such propagation of hatred won't work. BJP doing drama to distract youth who fell victim to unemployment: Asaduddin Owaisi, AIMIM on anti-'Love Jihad' law by some states pic.twitter.com/lDnwrWPbA4

— ANI (@ANI) November 22, 2020

ઓવૈસીએ રવિવારે કહ્યું, 'આ પ્રકારનો કાયદો બંધારણની કલમ 14 અને 21ની વિરુદ્ધ છે. હવે તો સ્પેશિયલ મેરેજ એક્ટ જ રદ કરી દો. કાયદાની વાત કરતા પહેલા તેઓએ બંધારણ વાંચવું જોઈએ. નફરતનો આ પ્રકારનો પ્રચાર ચાલશે નહીં. યુવાનોનું ધ્યાન બેકારીથી દૂર કરવા ભાજપ આ પ્રકારની રણનીતિ અપનાવી રહ્યું છે.

ઉત્તર પ્રદેશમાં 5 થી 10 વર્ષની સજાની જોગવાઈ 

ઉત્તર પ્રદેશના ગૃહ વિભાગે લવ જેહાદ વિરુદ્ધ સૂચિત કાયદો તૈયાર કર્યો છે. આ મુસદ્દાને કાયદાકીય વિભાગને પરીક્ષણ માટે મોકલવામાં આવ્યો છે. તેને આગામી કેબિનેટ બેઠકમાં રજૂ કરવામાં આવે તેવી સંભાવના છે. વિભાગ દ્વારા તૈયાર કરાયેલા ડ્રાફ્ટમાં તેને 'ગેરકાયદેસર ધર્માંતરણ નિવારણ બિલ' કહેવામાં આવી રહ્યું છે. જો આવા કેસમાં દોષી સાબિત થાય તો આરોપીને પાંચથી દસ વર્ષની સજા થઈ શકે છે.

મધ્યપ્રદેશમાં 5 વર્ષ સુધીની સજાની જોગવાઈ 

મધ્યપ્રદેશમાં લવ જેહાદ રોકવા માટે રાજ્ય સરકાર એક નવો કાયદો મધ્યપ્રદેશ 'ફ્રીડમ ઓફ રિલિજયન એક્ટ 2020' લાવવા જઈ રહી છે. આ ડ્રાફ્ટ લગભગ તૈયાર થઇ ચુક્યો છે. 

આ કાયદા હેઠળ લવ જેહાદનો કેસ પકડાશે તો પાંચ વર્ષની સજાની જોગવાઈ છે. આ સિવાય કૌટુંબિક અદાલતને આવા લગ્નો રદ કરવાનો અધિકાર આપવામાં આવશે જે પહેલાથી જ થઈ ચૂક્યા છે.

વિધાનસભાના શિયાળુ સત્રમાં પ્રકાશિત થશે બિલ

કહેવામાં આવી રહ્યું છે કે ટૂંક સમયમાં ડ્રાફ્ટને અંતિમ સ્વરૂપ આપવામાં આવશે અને પરીક્ષણ માટે લો વિભાગને મોકલવામાં આવશે. આ પછી સિનિયર સેક્રેટરીની કમિટી તેની ચર્ચા કરશે. કેબિનેટ મંજૂરી પછી, તે મધ્ય પ્રદેશ વિધાનસભાના શિયાળુ સત્રમાં રજૂ કરવામાં આવશે. એક્ટમાં લગ્ન, લાલચ, બળજબરી, દગાબાજી, છેતરપિંડી દ્વારા લગ્નને પણ સમાવેશ થશે.