Health Tips / જરૂર કરતા વધારે સુવુ પણ છે ખૂબ ખતરનાક, થઈ શકે છે આ ગંભીર બીમારીઓ

• તમે દિવસમાં કેટલા કલાક સુવો છો? 
• વધારે સુવાથી થાય છે આ બીમારીઓ 
• જાણો શું છે લક્ષણો 

દરેક વ્યક્તિ જાણે છે કે જે રીતે તમારા શરીર માટે ખોરાક જરૂરી છે તેવી જ રીતે ઓછામાં ઓછી 7-8 કલાકની ઉંઘ લેવી પણ જરૂરી છે. પરંતુ કેટલાક લોકો જરૂરિયાત કરતા વધારે ઊંઘ પણ લે છે. પરંતુ શું તમે જાણો છો કે આ કરવાથી તમે અનેક પ્રકારની બીમારીઓને આમંત્રણ આપી રહ્યા છો. વધુ પડતી ઉંઘ લેવાથી વજન વધવાથી લઈને સ્ટ્રેસ સુધીની સમસ્યાઓ થઈ શકે છે.

વધી શકે છે વજન
આવા લોકો જે 24 કલાકમાંથી ઓછામાં ઓછી 12 થી 15 કલાકની ઊંઘ લે છે તેઓ સાવધાન થઈ જાવ. કારણ કે આમ કરવાથી તમારું વજન પણ વધી શકે છે. હકીકતે જ્યારે તમે સૂઈ જાઓ છો. ત્યારે તમારું શરીર કેલરી બર્ન નથી કરતું. આ દરમિયાન શરીર કોઈ શારીરિક કામ કરતું નથી. તેનાથી વજન વધવાની શક્યતા વધી જાય છે. જેના કારણે તમે મેદસ્વિતાનો શિકાર પણ બની શકો છો.

વધે છે સ્ટ્રેસ
આ સાથે તમારું મગજ વધુ ઊંઘવાથી કોઈપણ પ્રકારનું કામ કરતું નથી. આવી સ્થિતિમાં તણાવ વધવાનો ખતરો છે. ખાસ કરીને દિવસ દરમિયાન વધુ પડતી ઊંઘ તમારા સ્વાસ્થ્ય માટે જોખમી બની શકે છે.

થઈ શકે છે આ બીમારીઓ

• આ સિવાય ટાઈપ-2 ડાયાબિટીસની સમસ્યા પણ તમને વધારે ઊંઘવાથી થઈ શકે છે. આ ઉપરાંત હાર્ટ એટેકનું જોખમ પણ વધી શકે છે.
• તેની સાથે કબજિયાતની સમસ્યા પણ થઈ શકે છે. એટલે કે જો તમે વધારે સુવો છો તો આ આદત બદલો.
• લાંબા સમય સુધી એક જ સ્થિતિમાં રહ્યા પછી પણ બેકપેઈન શરૂ થાય છે. જો તમને પણ આવી કોઈ સમસ્યા થઈ રહી છે તો વધારે સુવાનું ટાળવું જોઈએ.