કોરોનાના પગલે લોકડાઉનના કારણે ભારત સહિત દુનિયાભરમાં ઝૂમ વીડિયો કોન્ફરન્સિંગ એપ્લિકેશનના ડાઉનલોડમાં જબરદસ્ત વધારો થયો છે. પરંતુ થોડા દિવસ પછી જ ઝૂમ એપ્લિકેશન વિવાદોમાં ફસાઇ હતી. ઝુમ એપથી યુઝર્સનો ડેટા લીક થવાનો ખતરો હોવાની ચેતવણી અનેક નિષ્ણાતોએ આપી હતી. દરમિયાન એક રિપોર્ટ મુજબ ઝુમ એપ અંગેની શંકા સાચી સાબિત થઇ છે અને ઝૂમ એપના એકાઉન્ટ્સનો ડેટા ડાર્ક વેબ પર આવી ગયો છે.
બ્લીપિંગ કમ્પ્યુટરનો દાવો: ઝૂમના પાંચ લાખ એકાઉન્ટ હેક
કોરોનાના પગલે લોકડાઉનના કારણે ભારત સહિત દુનિયાભરમાં ઝૂમ વીડિયો કોન્ફરન્સિંગ એપ્લિકેશનના ડાઉનલોડમાં જબરદસ્ત વધારો થયો છે. પરંતુ થોડા દિવસ પછી જ ઝૂમ એપ્લિકેશન વિવાદોમાં ફસાઇ હતી. ઝુમ એપથી યુઝર્સનો ડેટા લીક થવાનો ખતરો હોવાની ચેતવણી અનેક નિષ્ણાતોએ આપી હતી. ગૂગલ ,ટેસ્લા,એપલ,નાસા જેવી કંપની અને સંસ્થાએ તેમના કર્મચારીઓ પર ઝૂમ એપ્લિકેશનનો ઉપયોગ કરવા માટે પ્રતિબંધ મુકયો છે.દરમિયાન એક રિપોર્ટ મુજબ ઝુમ એપ અંગેની શંકા સાચી સાબિત થઇ છે અને ઝૂમ એપના એકાઉન્ટ્સનો ડેટા ડાર્ક વેબ પર આવી ગયો છે.
બ્લીપિંગ કમ્પ્યુટરે તેના એક રિપોર્ટમાં એવો ચોંકાવનારો દાવો કર્યો છે કે ઝૂમનાં પાંચ લાખ એકાઉન્ટ્સ હેક થઈ ગયાં છે અને ડાર્ક વેબ પર નજીવી કિંમતે લોકોનાં અંગત ડેટા વેચવામાં આવી રહ્યો છે. ઝૂમ એપ્લિકેશન યુઝર્સનો ડેટા હેકર્સ ફોરમ પર વેચાણ માટે મુકવામાં આવ્યો છે. ઉલ્લ્ખનીય છે કે સાયબર સિક્યુરિટી ફર્મ સાયબલ દ્વારા ગત 1 એપ્રિલના રોજ આ વિશે માહિતી આપવામાં આવી હતી.
રિપોર્ટ અનુસાર, ડાર્ક વેબ પર ઝૂમ એપ્લિકેશન યુઝર્સનો ડેટા થોડા સેન્ટમાં વેચાય છે.રિપોર્ટમાં એમ પણ કહેવામાં આવ્યું છે કે હેકિંગ પાસવર્ડ્સ અને આઈડી દ્વારા કરવામાં આવ્યું હતું, મતલબ કે હેકર્સ પહેલાથી જ તેનાથી વાકેફ હતા.ઝૂમ એપ્લિકેશન યુઝર્સનો જે ડેટા હેકર્સ સુધી પહોંચ્યા છે, તેમાં ઇમેઇલ આઈડી, પાસવર્ડ, મીટિંગ યુઆરએલ અને હોસ્ટ જેવી માહિતી સામેલ છે. જેમાંના અનેક એકાઉન્ટ કોલેજો અને યુનિવર્સિટીઓ સાથે સંકળાયેલા છે. જે યુઝર્સનો ડેટા લીક થયો છે તેમાં યુનિવર્સિટી ઓફ વર્મોન્ટ, ડાર્ટમાઉથ, લાફયેતે, યુનિવર્સિટી ઓફ ફ્લોરિડા, યુનિવર્સિટી ઓફ કોલોરાડો ઉપરાંત સિટીબેંક છે.