તમિલનાડુમાં શાળાઓ શરૂ થયા બાદ 20થી વધુ વિદ્યાર્થીઓ અને 10 શિક્ષકો કોરોના સંક્રમિત થતા ચિંતા વધી છે.
તમિલનાડુમાં સ્કૂલો ખોલવાનું અવળું પરિણામ
સ્કૂલો ખુલ્યા બાદ 20 થી વધારે વિદ્યાર્થીઓ સંક્રમિત
10 ટીચરને પણ કોરોનાનો ચેપ લાગ્યો
૧ સપ્ટેમ્બરથી શાળા ખોલવામાં આવી છે
દેશના જુદા જુદા રાજ્યોમાં શાળાઓ ખોલવામાં આવી રહી છે. દરમિયાન આડઅસરો પણ સપાટી પર આવવા લાગી છે. ૧ સપ્ટેમ્બરથી શાળા ખોલવામાં આવ્યા પછી બાળકો કોરોના પોઝિટીવ આવી રહ્યાં છે.
કોરોના પોઝિટિવ મળે તો સ્કૂલ ને સીલ કરાશે પોઝિટિવ
તાજેતરનો કેસ 3 સપ્ટેમ્બરે છે, જ્યાં ચેન્નાઈની એક ખાનગી સ્કૂલમાં એક વિદ્યાર્થી કોરોના પોઝિટિવ જોવા મળ્યો છે. તાજેતરમાં જ એક વિદ્યાર્થી અને તેના પિતા બેંગલુરુથી પાછા ફર્યા હતા. બંને કોરોના પોઝિટિવ મળી આવ્યા છે.
શાળાના ૧૨૦ વિદ્યાર્થીઓનું કોરોના પરીક્ષણ કરવામાં આવ્યું
આ પછી શાળાના અન્ય ૧૨૦ વિદ્યાર્થીઓનું કોરોના પરીક્ષણ કરવામાં આવ્યું હતું. રાજ્યના આરોગ્ય પ્રધાન એમ.એ. સુબ્રમણ્યમે જણાવ્યું હતું કે જો વિદ્યાર્થીઓ અને શિક્ષકો શાળામાં કોરોનાથી સંક્રમિત જોવા મળશે તો સંસ્થાને તાત્કાલિક સીલ કરવામાં આવશે. ચેપગ્રસ્તોને તાત્કાલિક તબીબી સહાય પૂરી પાડવામાં આવશે. રાજ્યની અન્ય શાળાઓમાં પણ રેન્ડમ ટેસ્ટ કરવામાં આવશે.
ઓનલાઇન વર્ગ માટે આપવામાં આવેલા વિકલ્પ
નોંધપાત્ર છે કે તમિલનાડુમાં મોટી સંખ્યામાં વિદ્યાર્થીઓ ઓફલાઇન વર્ગની માંગ કરી રહ્યા હતા. ત્યારે રાજ્ય સરકારે શાળાઓ ખોલવાની યોજના બનાવી હતી. આ સમયગાળા દરમિયાન ઘણા જરૂરી સુરક્ષા પગલાં લેવામાં આવી રહ્યા હતા. બાળકોના માતા-પિતા અને શાળાના સ્ટાફને રસી આપવી જોઈએ તેમ પણ કહેવામાં આવ્યું હતું. બીજી તરફ શિક્ષણ મંત્રીએ કહ્યું હતું કે, જે બાળકો અસલામતી અનુભવે છે તેઓ ઓનલાઇન વર્ગોપસંદ કરી શકે છે.