આરટીઆઇ / રેલવેમાં માત્ર 2 વર્ષમાં 165 રેપના મામલાઓ સામે આવ્યા, 3 વર્ષમાં 542 લોકોની હત્યા

• 2017માં સામે આવેલા 51 કેસોની તુલનામાં વર્ષ 2019માં થોડા ઓછા 44 મામલાઓ સામે આવ્યા
• માત્ર ત્રણ વર્ષમાં 4,718 લૂટના મામલા સામે આવ્યા, જ્યારે 542 લોકોની હત્યા કરી દેવામાં આવી

એક આરટીઆઇ (RTI) કાર્યકર્તા ચંદ્રશેખર ગૌડની તરફથી દાખલ અરજીના જવાબમાં બતાવવામાં આવ્યું છે કે 2017-2019ની વચ્ચે રેપની 136 ઘટનાઓ રેલવે પરિસરમાં બની, જ્યારે 29 મહિલાઓ સાથે ઘૃણાસ્પદ ગૂના ચાલતી ટ્રેનમાં કરવામાં આવ્યા. 

2017માં સામે આવેલા 51 કેસોની તુલનામાં વર્ષ 2019માં થોડા ઓછા 44 મામલાઓ સામે આવ્યા, જ્યારે વર્ષ 2018માં 70 મહિલાઓ સાથે આ પ્રકારના ગુનાઓ બન્યા. 

ગત વર્ષે સામે આવેલા 44 કેસોમાંથી 36 રેલવે પરિસરમાં થયા તો 8 મામલાઓ ટ્રેનોની અંદર બન્યા. 2018માં બનેલા 70 કેસોમાંથી 59 રેલવે પરિસરમાં થયા હતા, જ્યારે 11 ટ્રેનોની અંદર બન્યા. વર્ષ 2017માં 51 મહિલાઓ સાથે આ ગુના થયા. જેમાંથી 41ને રેલવે પરિસરમાં શિકાર બનાવવામાં આવી અને 10 મહિલાઓ સાથે ચાલતી ટ્રેનોમાં ગુનો બન્યો. આ સમય ગાળા દરમિયાન બળાત્કારના કેસ ઉપરાંત મહિલાઓની વિરુદ્ધ ગુનાના 1672 કેસ નોંધાયા. તેમાંથી 802 રેલવે પરિસરમાં તો 870 મહિલાઓ સાથે ચાલતી ટ્રેનમાં ગુનાના મામલા નોંધાયા. 

છેલ્લા ત્રણ વર્ષમાં 771 કેસ અપહરણના નોંધાયા, જ્યારે 4,718 લુંટના મામલાઓ બન્યા. આ સમય ગાળામાં 213 હત્યાની કોશિશના કેસ નોંધાયા તો 542 લોકોની હત્યા કરી દેવામાં આવી. રેલવેમાં કાયદા વ્યવસ્થા રાજ્ય સરકારોનો મામલો છે. 

ટ્રેન પરિસરની સાથે ચાલતી ટ્રેનોમાં ગુનાખોરી રોકવી, કેસ નોધવો અને તપાસ અને કાયદા વ્યવસ્થા કાયમ રાખવાની રાજ્ય સરકારોની જવાબદારી છે. જેને રાજ્ય સરકાર રેલવે પોલીસ અને ડિસ્ટ્રિક્ટ પોલીસ દ્વારા સંભાળે છે.

જોકે, રેલવેએ મહિલાઓની સુરક્ષા વ્યવસ્થા માટે કેટલાક પગલાઓ ઉઠાવ્યા છે. ગત મહીને એક સવાલના જવાબમાં રેલ મંત્રીએ રાજ્ય સભામાં જણાવ્યું હતું કે નક્કી રુટ્સ અને સેક્શનમાં 2,200 ટ્રેનોમાં આરપીએફ સુરક્ષા આપી રહી છે. જ્યારે 2,200 ટ્રેનોમાં જીઆરપી સુરક્ષા ઉપલબ્ધ કરાવાઇ રહી છે. સિક્યોરિટી હેલ્પલાઇન 182ને ઓપરેશનલ કરી દેવાયો છે.