પાયલટ્સની હડતાળથી લગભગ બે લાખ 80 હજાર લોકો પ્રભાવિત થશે અને 704 કરોડ રૂપિયા એટલે કે આશરે 80 મિલિયન પાઉન્ડનું નુકસાન થશે. એરલાઇનના 100 વર્ષના ઇતિહાસની આ સૌથી મોટી હડતાળ માનવામાં આવી રહી છે. આ હડતાળથી 704 કરોડ રૂપિયાનું નુકસાન થશે.
વેતન અને ભથ્થામાં ઘટાડાના વિવાદોને લઇને સોમવારે અને મંગળવારે બ્રિટીશ એકવેઝના પાયલટ હડતાળ પર
એરલાઇનના 100 વર્ષના ઇતિહાસની આ સૌથી મોટી હડતાળ, 704 કરોડ રૂપિયાનું નુકસાન
ન્યૂયોર્ક, દિલ્હી, હોંગકોંગ અને જોહાનેસબર્ગની તમામ ઉડાન પ્રભાવિત
વિમાન કંપની બ્રિટીશ એરવેઝના પાયલટ્સ સોમવારે અને મંગળવારે હડતાળ પર છે. એરલાઇનના 100 વર્ષના ઇતિહાસમાં આ સૌથી મોટી હડતાળ માનવામાં આવી રહી છે. હડતાળના કારણે કંપનીએ 1500થી વધારે ઉડાનો રદ કરી દીધી છે. પાયલટ વેતન વિવાદને લઇને હડતાળ પર છે.
ધ ટેલીગ્રામની માહિતી અનુસાર પાયલટ્સની હડતાળથી લગભગ બે લાખ 80 હજાર લોકો પ્રભાવિત થશે અને 704 કરોડ રૂપિયા એટલે કે આશરે 80 મિલિયન પાઉન્ડનું નુકસાન થશે.
હડતાળના કારણે ન્યૂયોર્ક, દિલ્હી, હોંગકોંગ અને જોહાનેસબર્ગની તમામ ફ્લાઇટને અસર થઇ છે. આ સંદર્ભમાં કંપનીએ યાત્રીઓને કહ્યું છે કે જો તમારી ફ્લાઇટ રદ થઇ ગઇ હોય તો એરપોર્ટ પર જશો નહીં.
હડતાળ અને ફ્લાઇટ કેન્સલ થયા બાદ રશિયાના વિદેશ મંત્રાલયે નાગરિકોને સચેત કર્યા છે. જણાવી દઇએ કે બ્રિટીશ એરલાઇન પાયલટ એસોસિએશને 23 ઓગસ્ટે જ હડતાળની જાહેરાત કરી દીધી હતી. વેતન અને ભથ્થામાં ઘટાડાના વિવાદો બાદ પાયલટ્સએ હડતાળનો નિર્ણય લીધો. ત્યારે એએલપીએ એ કહ્યું હતું કે 9 અને 10 સપ્ટેમ્બરે પાયલટ્સ હડતાળ પર રહેશે.