IPLIN
 

કેવી રીતે? / 1 કરોડથી વધુ કિંમત, એકથી એક ચઢિયાતાં સેફટી ફીચર્સ! છતાં પણ બળીને ખાખ થઈ ગઈ રિષભ પંતની કાર

Team VTV 01:01 PM, 30 Dec 22 | Updated: 09:26 AM, 31 Dec 22
Follow us
Over 1 Crore price, superior safety features to one! Even so, Rishabh Pant's car got burnt

રિષભ પંત કાર અકસ્માતમાં ગંભીર રીતે ઘાયલ થયો છે. ટક્કર એટલી મોટી હતી કે કાર હવામાં ઉછળીને દૂર પડી અને પછી તરત જ કારમાં આગ લાગી, જોતાં જોતાં જ મર્સિડીઝ બેન્ઝ બળીને ખાખ થઈ ગઈ હતી. 

  • ભારતીય ટીમનો સ્ટાર વિકેટકીપર બેટ્સમેન રિષભ પંતનો અકસ્માત
  • આ કારણે લાગી હશે આગ
  • આ મર્સિડીઝ બેન્ઝ કારમાં મુસાફરી કરી રહ્યા હતા રિષભ પંત 
  • આવી સલામતી સુવિધાઓથી સજ્જ છે આ મર્સિડીઝ બેન્ઝ: 

ભારતીય ટીમનો સ્ટાર વિકેટકીપર બેટ્સમેન રિષભ પંત કાર અકસ્માતમાં ગંભીર રીતે ઘાયલ થયો છે. ઘટના બાદ મર્સિડીઝ કારમાં ભીષણ આગ ફાટી નીકળી હતી. આ ઘટના શુક્રવારે (30 ડિસેમ્બર) વહેલી સવારે રૂરકીના ગુરુકુલ નરસન વિસ્તારમાં બની હતી. સવારે 5:15 વાગ્યે તેમની મર્સિડીઝ બેન્ઝ કાર નરસન બોર્ડર પર રોડની રેલિંગ સાથે અથડાઈ હતી અને મીડિયા રિપોર્ટ્સ અનુસાર ટક્કર એટલી મોટી હતી કે કાર હવામાં ઉછળીને થોડે દૂર જઈને પડી હતી અને આ અકસ્માત પછી તરત જ કારમાં આગ લાગી હતી, જોતાં જોતાં જ મર્સિડીઝ બેન્ઝ થોડી વારમાં સંપૂર્ણ રીતે બળીને ખાખ થઈ ગઈ હતી. 

આ કારણે લાગી હશે આગ
અકસ્માતનું કારણ હજુ સુધી જાણી શકાયું નથી પણ કહેવામાં આવી રહ્યું છે કે ડ્રાઇવિંગ કરતી વખતે અચાનક ઝપકી આવી જવાને કારણે કાર બેકાબૂ થઈ ગઈ હતી અને કાર રોડ ડિવાઈડર સાથે અથડાઈ હતી. રિષભ પંતે જણાવ્યું કે તે પોતે કાર ચલાવી રહ્યો હતો. ડ્રાઇવિંગ કરતી વખતે તેને નિદ્રા આવી હતી. આ જ કારણ હતું કે, કાર ડિવાઈડર સાથે અથડાઈ અને મોટો અકસ્માત થયો. તેણે જણાવ્યું કે અકસ્માત બાદ તે વિન્ડ સ્ક્રીન તોડીને બહાર આવ્યો હતો. હાલ કારમાં આગ લાગવાના કારણની પણ તપાસ કરવામાં આવી રહી છે અને હાલ એવું કહેવામાં આવી રહ્યું છે કે આવા જોરદાર અથડામણ પછી કારમાં લિક્વિડ લીક થવાને કારણે આગ લાગી હશે. 

આ મર્સિડીઝ બેન્ઝ કારમાં મુસાફરી કરી રહ્યા હતા રિષભ પંત 
જણાવી દઈએ કે ટીમ ઈન્ડિયાના સ્ટાર ખેલાડી ઋષભ પંતને કારનો ખૂબ જ શોખ છે અને એમના ગેરેજમાં એકથી વધુ લક્ઝુરિયસ કાર છે. અકસ્માત સમયે રિષભ પંત જે કારમાં મુસાફરી કરી રહ્યો હતો તે મર્સિડીઝ બેન્ઝ GLE43 કૂપ મોડલ કાર છે. માર્ગ પરિવહન અને રાજમાર્ગ મંત્રાલયની વાહન વેબસાઇટ પર દાખલ કરાયેલી માહિતી અનુસાર ર્સિડીઝ બેન્ઝ GLE43 કૂપ મોડલ કાર DL 10 CN 1717 નું રજીસ્ટ્રેશન 25 સપ્ટેમ્બર 2019 ના રોજ થયું હતું અને આ કાર રિષભ પંતના નામે છે.  

શું છે કારની ખાસિયત 
મર્સિડીઝ બેન્ઝની આ કાર વિશે જણાવી તો 3 લીટર ક્ષમતાના DOHC ડાયરેક્ટ ઈન્જેક્શન એન્જિન તેમાં આપવામાં આવ્યું છે અને આ એન્જિન 384.87bhpનો મહત્તમ પાવર અને 520Nmનો ટોર્ક જનરેટ કરે છે. જણાવી દઈએ કે આ કાર માત્ર 5.6 સેકન્ડમાં 0 થી 100 કિલોમીટર પ્રતિ કલાકની સ્પીડ પકડવામાં સક્ષમ છે. સાથે જ આ કારમાં 9-સ્પીડ ડ્યુઅલ ચેનલ ટ્રાન્સમિશન ગિયરબોક્સ આપવામાં આવ્યું છે. એ સિવાય નવી GLE 53 કારને કંપનીના પોર્ટફોલિયોમાં સામેલ કરવામાં આવી છે. આ કારની કિંમત રૂ. 88 લાખથી શરૂ થાય છે અને રૂ. 1.25 કરોડ સુધી જાય છે. 

આવી સલામતી સુવિધાઓથી સજ્જ છે આ મર્સિડીઝ બેન્ઝ: 
જણાવી દઈએ કે પંતની કારમાં ઘણા એડવાન્સ સેફટી ફીચર્સ આપવામાં આવ્યા છે જેવા કે મર્સિડીઝ બેન્ઝ ઇન્ટેલિજન્ટ ડ્રાઇવ, એક્ટિવ પાર્કિંગ આસિસ્ટ, એટેન્શન આસિસ્ટ, ક્રોસવિન્ડ આસિસ્ટ LED ઇન્ટેલિજન્ટ લાઇટ સિસ્ટમ, ડાઉનહિલ સ્પીડ રેગ્યુલેશન, ડાયરેક્ટ સ્ટીયર સિસ્ટમ, એડપ્ટિવ હાઇ બીમ આસિસ્ટ પ્લસ અને ઇલેક્ટ્રિક ટ્રેક્શન સિસ્ટમ સહિત અનેક અદ્યતન સુરક્ષા સુવિધાઓથી સજ્જ છે. આ સિવાય તેમાં એન્ટી-લોક બ્રેકિંગ સિસ્ટમ, બ્રેક આસિસ્ટ, સેન્ટ્રલ લોકિંગ, પાવર ડોર લોક, ચાઈલ્ડ સેફ્ટી લોક, 6 એરબેગ્સ, સીટ બેલ્ટ વોર્નિંગ, ડોર અજર વોર્નિંગ, સાઇડ ઈમ્પેક્ટ બીમ, ફ્રન્ટ ઈમ્પેક્ટ બીમ, ટ્રેક્શન કંટ્રોલ, એડજસ્ટેબલ સીટ્સ, ટાયર પ્રેશર મોનિટર, વ્હીકલ સ્ટેબિલિટી કંટ્રોલ સિસ્ટમ, એન્જિન ઈમોબિલાઈઝર, ક્રેશ સેન્સર, સેન્ટ્રલી માઉન્ટેડ ફ્યુઅલ ટેન્ક, એન્જિન ચેક વોર્નિંગ, ઓટોમેટિક હેડલેમ્પ્સ પણ સામેલ છે. 

આ છતાં કારમાં આગ કેમ લાગી એ પ્રશ્ન દરેકના મનમાં ઉઠી રહ્યો છે. 

રિષભ પંત રિષભ પંત અકસ્માત રિષભ પંત કાર અકસ્માત Rishabh Pant Rishabh Pant Car Accident
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ