વિરોધ / મુસ્લિમ દેશોનો ફ્રાંસ વિરુદ્ધના પ્રદર્શનનો પડઘો ગુજરાત સહિત ભારતમાં પડ્યો

• ભોપાલમાં કોંગ્રેસ નેતાની આગેવાનીમાં સભા યોજાઈ 
• ભોપાલમાં ફ્રાંસના વિરોધમાં નારા લાગ્યા 
• મુંબઈના ભીંડી બજારમાં પણ કરવામાં આવ્યો વિરોધ 

ફ્રાંસની આગ ભારત પહોંચી  

ફ્રાંસની આગ હવે ધીમે ધીમે ભારત સુધી પહોંચી ગઈ છે અને વધી રહી છે. ફ્રાંસના રાષ્ટ્રપતિએ પૈગંબર મોહમ્મદના કાર્ટૂન પર કરેલ ટિપ્પણી બાદ મુસ્લિમ દેશો ભડકી ઉઠ્યા છે. મુસ્લિમ દેશોમાં ખૂબ મોટો વિરોધ કરવામાં આવી રહ્યો છે ત્યાં ભોપાલમાં કોંગ્રેસ ધારાસભ્યની આગેવાનીમાં રેલી કાઢવામાં આવી. મુંબઈમાં પણ ભીંડી બજારમાં રાતોરાત ફ્રાંસના રાષ્ટ્રપતિના પોસ્ટર રસ્તા પર ચોંટાડી દેવામાં આવ્યા, જેના પરથી વાહનો પસાર થતાં દેખાયા. જોકે હવે મધ્ય પ્રદેશના મુખ્યમંત્રીએ રેલી કાઢનાર લોકૉ સામે કડક પગલાં ભરીને એક્શનની વાત કહી છે. 

ભોપાલમાં ભારે વિરોધ 

ભોપાલમાં ફ્રાંસના રાષ્ટ્રપતિના વિરોધમાં ખૂબ મોટી સભાનું આયોજન કરવામાં આવ્યું, આ રેલીનું આયોજન કોંગ્રેસના ધારાસભ્યએ કર્યું હતું. સોશ્યલ મીડિયાના માધ્યમથી મોટી સંખ્યામાં લોકોને ભેગા કરવામાં આવ્યા અને ત્યાં મેક્રોના પુતળાઓનું દહન કરવામાં આવ્યું છે. 

એક્શન પણ લેવાશે 

મધ્ય પ્રદેશના સીએમએ હવે કોરોનાકાળમાં પરવાનગી વિના કોઈ પણ પ્રકારની રેલી કાઢનાર લોકો સામે કડક એક્શનની વાત કહી છે. તેમણે કહ્યું કે મધ્ય પ્રદેશ શાંતિનો ટાપૂ છે. શાંતિને ભંગ કરનાર લોકો સામે કડક પગલા લેવાશે. આ મામલે 188 IPC હેઠળ કેસ નોંધવામાં આવ્યો છે. 

મુંબઈમાં વિરોધ 

महाराष्ट्र सरकार,
ये आपके सरकार के राज में क्या हो रहा है?
भारत आज France के साथ खड़ी है ..जो जिहाद फ़्रान्स में हो रहा है,उस आतंकवाद के ख़िलाफ़ हिंदुस्तान के PM ने फ़्रान्स के साथ मिल कर लड़ने की प्रतिज्ञा की है।
फिर मुंबई की सड़कों पर फ़्रान्स के राष्ट्राध्यक्ष का अपमान क्यों? pic.twitter.com/kb7PCCEY4S

— Sambit Patra (@sambitswaraj) October 30, 2020

મુંબઈમાં પણ ફ્રાંસનો વિરોધ જોવા મળ્યો છે. ફ્રાંસના વિરોધમાં મુસ્લિમ દેશોની જેમ મુંબઈના ભીંડી બજારમાં રાતોરાત રસ્તા પર ફ્રાંસના રાષ્ટ્રપતિના પોસ્ટર લગાવી દેવામાં આવ્યા. સોશ્યલ મીડિયામાં તેના વીડિયો પણ ખૂબ વાયરલ થઇ રહ્યા છે. 

વડોદરામાં પણ વિરોધ 

વડોદરામાં પણ કેટલાક વિસ્તારોમાં ફ્રાંસના વિરોધમાં પોસ્ટર લગાવવામાં આવ્યા છે. લોકો ફ્રાંસની વસ્તુનો બહિષ્કાર કરવાની અપીલ કરી રહ્યા છે.