પાકિસ્તાન / બાળકોને ખવડાવું કે ભૂખે મારી દઉ? રડતી આંખે બીમાર દીકરાની માં એ બનાવ્યો VIDEO, પાક. નેતાઓ સામે ઠાલવી હૈયાવરાળ

• હાલ  પાકિસ્તાન આર્થિક સંકટનો સામનો કરી રહ્યું
• પાકિસ્તાની પત્રકાર હામિદ મીરે કરાચીમાં રહેતી એ મહિલાનો વીડિયો ટ્વિટર પર શેર કર્યો

દેવાના બોજ હેઠળ દબાયેલ પાકિસ્તાન આર્થિક સંકટનો સામનો કરી રહ્યું છે. મોંઘવારી એટલી વધી ગઈ છે કે પાકિસ્તાનની હાલત અત્યારે શ્રીલંકા જેવી બની ગઈ છે. પાકિસ્તાનના લોકોની હાલત વધતી મોંઘવારીને કારણે ઘણી ખરાબ થઈ ગઈ છે. લોકો માટે બે ટાઈમનું ખાવાનું મળવું પણ ઘણું મુશ્કેલ બન્યું છે. 

એવામાં હાલ પાકિસ્તાનની એક મહિલાએ વીડિયો શેર કર્યો છે અને એ વિડીયોમાં મોંઘવારીને કારણે તેને પડતી સમસ્યા વિશે જવાની રહી છે.હાલ એ વિડીયો ઘણો વાયરલ થઈ રહ્યો છે. એ વિડીયોમાં મહલા કહેતી સંભળાય છે કે, 'હું મારા બાળકોને ખાવાનું ખવડાવવું કે મારી નાખું'. પાકિસ્તાની પત્રકાર હામિદ મીરે કરાચીમાં રહેતી એ મહિલાનો વીડિયો ટ્વિટર પર શેર કર્યો છે. એ વાયરલ વીડિયોમાં મહિલા તેની પાસે રહેલ બિલ બતાવીને પોતાની સમસ્યા જણાવી રહી છે.

એ વીડિયોમાં મહિલા કહે છે કે, 'મારું નામ રાબ્યા છે. હું કરાચીની રહેવાસી છું અને હું એક હાઉસ વાઈફ છું અને મારા બે બાળકો છે. મારું એક બાળક એપિલેપ્સીથી પીડિત છે. હું પોતે ભાડાના મકાનમાં રહું છું, જેનું ભાડું 20 હજાર રૂપિયા છે. અત્યારે હું રાશન લઈને આવી છું. તેમાં લોટ,ખાંડ,ઘી અને કઠોળ નથી.હું તમને આ બિલ બતાવું છું.આમાં કોઈ વધારાનો ખર્ચો મેં નથી કર્યો. કોઈ જીવન જરૂરિયાતની વસ્તુ મને નથી મળી આવામાં હું બાળકોને ભૂખ્યા મારી દઉં કે શું?

کراچی سے تعلق رکھنے والی ایک ماں نے حکمرانوں کو اپنا بجلی کا بل اور کچن کے لئے اشیاء کی خریداری کا بل دکھا کر کچھ سوال پوچھے میں نے یہ سوال مفتاح اسماعیل کو بھیج دئیے مفتاح صاحب نے جواب بھجوا دیا ہے لیکن پہلے ایک ماں کا دکھڑا سن لیں pic.twitter.com/THahmjAjUL

— Hamid Mir (@HamidMirPAK) August 9, 2022

આ ઉપરાંત મહિલાએ કહ્યું હતું કે, 'હાલ કરાચીમાં વીજળી નથી આવતી એ છતાં પણ મારો વીજળીનો ખર્ચ 556 યુનિટ છે અને અમને 15,560 બિલ આવ્યું છે.' હું આટલા રૂપિયા કેવી રીતે પે કરું? રેન્ટ ચૂકવું, વીજળીનું બિલ આપું કે ટેક્સ ભરું. મારા બાળકોની સારવારની દવા પણ આટલી મોંઘી થઈ ગઈ છે હું શું કરું?. હું મરિયમ નવાજ અને શાહબાજ શરીફને પૂછીશ કે તમને ખુદાથી ડર નથી લાગતો કે શું?'