નિવેદન / 'યે દિલ સે નહીં ડર સે નિકલા ફૈસલા હૈ', પેટ્રોલ-ડીઝલના ભાવ ઘટાડા પર પ્રિયંકા ગાંધીનો કટાક્ષ

• પેટ્રોલ-ડીઝલના ભાવ ઘટાડા પર પ્રિયંકા ગાંધીનો કટાક્ષ 
• કહ્યું યે દિલ સે નહીં ડર સે નિકલા ફૈસલા હૈ
• વસૂલી સરકારની લૂંટને આગામી ચૂંટણીમાં જવાબ આપવાનો છે-પ્રિયંકા 

પ્રિયંકા ગાંધીએ હિંદીમાં કરેલા ટ્વિટમાં જણાવ્યું કે 'યે દિલ સે નહીં ડર સે નિકલા ફૈસલા હૈ. પ્રિયંકાએ કહ્યું કે વસૂલી સરકારની લૂંટને આગામી ચૂંટણીમાં જવાબ આપવાનો છે.

ये दिल से नहीं डर से निकला फैसला है।

वसूली सरकार की लूट को आने वाले चुनाव में जवाब देना है।#PetrolDieselPrice

— Priyanka Gandhi Vadra (@priyankagandhi) November 4, 2021

ઉલ્લેખનીય છે કેન્દ્ર સરકારે પેટ્રોલમાં 5 રુપિયા અને ડીઝલના ભાવમાં 10 રુપિયાનો ઘટાડો કર્યો છે. આ વાતના મુદ્દે પ્રિયંકા ગાંધીને મોદી સરકાર પર કટાક્ષપૂર્ણ ટ્વિટ કર્યું છે. 

2014 ની સાલના ભાવ ક્યારે થશે? કોંગ્રેસનો સવાલ 

કોંગ્રેસના વરિષ્ઠ નેતા રણદીપ સુરજેવાલાએ ટ્વિટ કરીને જણાવ્યું કે આ વર્ષે પેટ્રોલ 28 રુપિયા અને ડીઝલના ભાવમાં 26 રુપિયા વધ્યા. દેશમાં 14 બેઠકો પર પેટાચૂંટણી હારતા જ પેટ્રોલ અને ડીઝલના ક્રમશ 5 રુપિયા અને 10 રુપિયા ઘટાડવા પણ શું પ્રધાનમંત્રી મોદીની દિવાળી ભેટ છે કે શું? હે રામ! હદ છે.

ટેક્સજીવી મોદી સરકારને પાઠ ભણાવવા માટે દેશવાસીઓને અભિનંદન-રણદીપ સુરજેવાલા 

રણદીપ સુરજેવાલાએ કહ્યું કે ટેક્સજીવી મોદી સરકારને પાઠ ભણાવવા માટે દેશવાસીઓને અભિનંદન. પ્રજાતંત્રમાં વોટની ચોટથી ભાજપને સત્યનો આઈનો દેખાડી દીધો. યાદ કરો મે 2014 માં પેટ્રોલ 71.41 રુપિયા અને ડીઝલ 55.49 રુપિયા હતા ત્યારે ક્રૂડ ઓઈલ 105.71 પ્રતિ ડોલર હતું ત્યારે ક્રુડ ઓઈલ 82 ડોલર પ્રતિ બેરલ છે તેથી 2014 ના જેવી કિંમત ક્યારે થશે.