ફોર્બ્સ મેગેઝિન દ્વારા સૌથી ધનિક વ્યકિતની યાદીમાં મુકેશ અંબાણઈ સતત 12મી વખત પહેલા સ્થાન પર છે, તો ગૌતમ અદાણી 8 નંબરની છલાંગ લગાવીને બીજા નંબરના ધનિક ભારતીય બન્યા છે. ખાસ વાત એ છે કે, આ યાદીમાં શામેલ પાંચ સૌથી ધનિક ભારતીયોમાં ચાર ગુજરાતી છે. રિલાયન્સ ઇન્ડસ્ટ્રીઝ લિમિટેડ (RIL) ના ચેરમેન મુકેશ અંબાણીનું કુલ સંપત્તિ 51.4 અબજ ડૉલર (3.5 લાખ કરોડ રૂપિયા) છે, તો ગૌતમ અદાણીની કુલ સંપત્તિ 15.7 અબજ ડૉલર (1.10 લાખ કરોડ રૂપિયા) છે.
આ લિસ્ટમાં સૌથી પહેલા સ્થાન પર છે રિલાયન્સ ઇન્ડસ્ટ્રીઝ લિમિટેડના મુકેશ અંબાણી
ચાર ગુજરાતીઓની કુલ સંપત્તિ 7 લાખ કરોડની:
100 સૌથી ધનિક ભારતીયોની યાદીમાં ટોચ પર શામેલ ચાર ગુજરાતીઓની કુલ સંપત્તિ 96.9 અબજ ડૉલર (7 લાખ કરોડ રૂપિયા) છે. મુકેશ અંબાણીના પિતા ગુજરાતના ચોરવાડ ગામમાં રહેતા હતા, જેમણે રિફાઇનરીથી લઇને ટેલિકૉમ સુધીનો વેપાર ઉભો કર્યો. મુકેશ અંબાણીએ જિયો દ્વારા ટેલિકોમ બિઝનેસ ક્ષેત્રે પગ રાખ્યો છે. જે બાદ તેમની સંપત્તિમાં 28000 કરોડનો વધારો થયો છે. Jio ના હાલમાં 34 કરોડ ગ્રાહક છે.
એરપોર્ટ અને ડેટા સેન્ટરથી અદાણીનું નામ:
અમદાવાદથી પોતાના કારોબારનું સામ્રાજ્યા ચલાવાનાર ગૌતમ અદાણી આ વર્ષે ધનિકોની યાદીમાં 8 નંબર આગળ વધીને બીજા સ્થાન પર છે. તેમની સંપત્તિમાં વધારો એરપોર્ટ તથા ડેટા સેન્ટર્સની શરૂઆત પછી વધી છે.
ટાટા સન્સ દ્વારા પાલોનજી મિસ્ત્રી ટોચના ધનિક:
ગુજરાતના જ નિવાસી શાપૂરજી ગ્રુપના પાલોનજી મિસ્ત્રી 15 અબજ ડોલર (1.05 લાખ કરોડ રૂપિયા) ની કુલ સંપત્તિની સાથે યાદીમાં ચોથા સ્થાન પર છે. મિસ્ત્રી ભલે જ 2003માં આયરલેન્ડમાં વસી ગયા, પરંતુ તેમના મૂળ હજુ ગુજરાતમાં જ છે. તેમની સૌથી વધુ આવક ટાટા સન્સમાં ભાગીદારીથી થાય છે. જે ટાટા ગ્રુપના ઉદ્યોગોનું નિયંત્રણ કરે છે.
કપાસથી લઇને બેંકિંગ સુધીનું સફર:
ગુજરાતના લોહાણા સમાજમાંથી કોટક કોટક-મહિન્દ્રા બેંકના ઉદય કોટક આ લિસ્ટ પાંમમા સ્થાન પર છે. તેમની કુલ સંપત્તિ 14.8 અબજ ડોલર એટલે કે 1.02 લાખ કરોડ રૂપિયા છે. કપાસના વેપારમાં ગુજરાતના પરિવારના ઉદય કોટકે 1980માં એક ફાઇનાન્શિયલ ફર્મની શરૂઆત કરી. જે આજની તારીખે કોટક મહિન્દ્રા બેંક તરીકે જાણીતી છે.
10 વેપારીઓના નામ, તેમનું સ્થાન અને કુલ સંપત્તિ
ફોર્બ્સની યાદીમાં સ્થાન
વેપારીનું નામ
કુલ સંપત્તિ (રૂપિયામા)
1
મુકેશ અંબાણી
3.5 લાખ કરોડ
2
ગૌતમ અદાણી
1.10 લાખ કરોડ
3
હિંદુજા બ્રધર્સ
1.09 લાખ કરોડ
4
પાલોનજી મિસ્ત્રી
1.05 લાખ કરોડ
5
ઉદય કોટક
1.02 લાખ કરોડ
6
શિવ નાડાર
1.008 લાખ કરોડ
7
રાધાકૃષ્ણ દમાની
1.001 લાખ કરોડ
8
ગોદરેજ ફેમિલી
84,000 કરોડ
9
લક્ષ્મી મિત્તલ
73500 કરોડ
10
કુમારમંગલમ બિરલા
67200 કરોડ
આ યાદીમાં 6 નવા ચહેરા:
ફોર્બ્સની રિચ લિસ્ટ 2019 અનુસાર, આ યાદીમાં આ વર્ષે 6 નવા ચહેરા શામેલ થયા છે, જેમાં ખૂબજ ઝડપથી આગળ વધી રહેલી એડટેક કંપની બૈજૂના ફાઉન્ડર બૈજૂ રવીન્દ્ર, હલ્દીરામ સ્નેક્સના મનોહર લાલ અને મધુસૂદન અગ્રવાલ, બાથરુમ ફિટિંગ્સ જેગુઆર બ્રાન્ડ્સના રાજેશ મેહરા છે.