કોવિડ 19 / UK માં જોવામાં આવેલા નવા કોરોના સ્ટ્રેન સામે પણ અમારી રસી અસરકારક, આ કંપનીએ કરી જાહેરાત 

• કોરોનાના નવા સ્ટ્રેન સામે પણ અમારી રસી અસરકારક: રશિયા 
• SPUTNIK V રસી કોરોનાના નવા સ્ટ્રેનનો કરી શકે છે સામનો: RDIF 
• 70 ટકા વધુ ચેપ ફેલાવે છે નવો કોરોના વાયરસ : સંશોધકો 

જ્યારે આખું વિશ્વ કોરોના રસીની રાહ જોઈ રહ્યું હતું, ત્યારે બીજી તરફ, હવે બ્રિટનમાં કોરોના વાયરસના નવા સ્ટ્રેન થી તમામ દેશોની ચિંતા વધી ગઈ છે. જો કે, RDIF ના CEO કિરિલ દિમિત્રીકે દાવો કર્યો છે કે SPUTNIK V  રસી ફક્ત યુકેમાં મળતા નવા કોરોના સ્ટ્રેન સામે જ નહીં પરંતુ અન્ય મ્યુટેશન સામે પણ અસરકારક સાબિત થશે RDIF આ રસીનો સહ વિકાસકર્તા છે.

#BREAKING | #SputnikV vaccine will not only be effective against new mutation detected in UK, but also against other mutations: RDIF CEO https://t.co/6XRuYskysI#SputnikBreaking @sputnikvaccine pic.twitter.com/oAI1jaFI3H

— Sputnik (@SputnikInt) December 21, 2020

નવા સ્ટ્રેન સામે પણ અસરકારક રહેશે SPUTNIK V : રશિયા 

SPUTNIK ના ટ્વિટર હેન્ડલ અનુસાર, તેમણે કહ્યું, "અમારી જાણકારી મુજબ, SPUTNIK V યુરોપમાં મળી આવેલા કોરોના વાયરસની નવી સ્ટ્રેન સામે એટલી જ અસરકારક રહેશે, કારણ કે તે વર્તમાન સ્ટ્રેન ની સામે અસરકારક છે. એસ-પ્રોટીનના અગાઉના પરિવર્તનો છતાં SPUTNIK V એ સમય વીતવા છતાં તેનું અસર દેખાડવાનું ચાલુ રાખ્યું છે. દિમિત્રીઝે ઉમેર્યું હતું કે તેઓ કોરોના વાયરસની નવી સ્ટ્રેનનો સામનો કરવા માટે બીજી રસી ઉત્પાદક કંપની એસ્ટ્રાઝેનેકા સાથે પણ સંયુક્ત રીતે કામ કરી શકે છે. 

તે જ સમયે, યુરોપિયન કમિશને ફાઇઝર અને બાયોએન્ટેક દ્વારા વિકસિત કોરોના રસી ને અંતિમ મંજૂરી આપી દીધી છે. હકીકતમાં, યુકેમાં નવા જીવલેણ કોરોના વાયરસની શોધ બાદ ફરી એકવાર વિશ્વના ઘણા દેશોમાં હલચલ મચી ગઈ છે.  ઘણા દેશોએ બ્રિટનથી આંતરરાષ્ટ્રીય ફ્લાઇટ્સની અવરજવર પર પ્રતિબંધ મૂક્યો છે.

આ વાયરસ 70 ટકા વધુ ચેપ ફેલાવી શકે છે

19 ડિસેમ્બરના રોજ, બ્રિટિશ વડા પ્રધાન બોરિસ જ્હોન્સને જાહેરાત કરી હતી કે વાયરસના નવા સ્ટ્રેન થી તેની કાર્યક્ષમતામાં 70 ટકાનો વધારો થઈ શકે છે. તેમના આરોગ્ય સચિવ મેટ હેનકોકે કહ્યું કે આ નવો પ્રકાર 'નિયંત્રણમાંથી બહાર' છે. આ સમાચાર આવતાની સાથે જ સાઉદી અરેબિયા અને ઘણા યુરોપિયન દેશો- ઇટાલી, બેલ્જિયમ, ફ્રાન્સ અને નેધરલેન્ડ્સે યુકે જવા અને આવતી ફ્લાઇટ્સ પર પ્રતિબંધ મૂક્યો હતો.

વૈજ્ઞાનિકો માને છે કે વાયરસના નવા સ્ટ્રેન માં ઓછામાં ઓછા 17 નોંધપાત્ર ફેરફારો છે. તેના સ્પાઇક પ્રોટીનમાં સૌથી મોટો અને ખતરનાક પરિવર્તન જોવા મળ્યું છે. સ્પાઇક પ્રોટીન એ પ્રોટીન છે જેનો ઉપયોગ વાયરસ આપણા શરીરના કોષોમાં પ્રવેશ કરવા માટે કરે છે.