ઇક્કેટોરિયલ ગિનીમાં એક સૈન્ય બેરેકમાં વિસ્ફોટના કારણે મૃત્યુઆંક 31 પહોંચ્યો છે. કાટમાળમાં મૃતદેહની તપાસ ચાલુ છે.
ઇક્કેટોરિયલ ગિનીમાં એક સૈન્ય બેરેકમાં વિસ્ફોટ
વિસ્ફોટના કારણે મૃત્યુઆંક 31 પહોંચ્યો
કાટમાળમાં મૃતદેહની તપાસ ચાલુ છે
સ્વાસ્થ્ય મંત્રાલયના આધારે મૃત્યુઆંક હજુ પણ વધી શકે છે. આ બ્લાસ્યમાં 600થી વધુ લોકો ઘાયલ થયા છે. કેટલાકની સ્થિતિ નાજુક છે. ઈજાગ્રસ્તોને હોસ્પિટલમાં ખસેડાયા છે. ઈક્કેટોરિયલ ગિનીના રાષ્ટ્રપતિ તિયોદરા ઓબિયાંગ ન્ગુમે ઘટના પર શોક વ્યક્ત કર્યો છે. તેઓએ કહ્યું કે ડાયનામાઈટ સામે લડવામાં બેદરકારીના કારણે વિસ્ફોટની ઘટના બની છે. વિસ્ફોટમાં બાટા શહેરની અનેક ઈમારતોને નુકસાન થયું છે. આ સાથે જ 2,50,000 લોકો પ્રભાવિત થયા છે.
Series of explosions in Equatorial Guinea now known to have killed at least 31 people, officials say https://t.co/0CH2ESQe8J
મનોચિકિત્સક અને મનોવૈજ્ઞાનિકની ટીમ પણ કરી રહી છે કામ
ઈક્કેટોરિયલ ગિનીના સ્વાસ્થ્ય મંત્રાલયના અનુસાર વિસ્ફોટ પીડિતોના ઉપચાર માટે મનોચિકિત્સક અને મનોવૈજ્ઞાનિક અને નર્સથી લઈને માનસિક સ્વાસ્થ્ય બ્રિગેડ તૈયાર કરાયું છે. મંત્રાલયે કહ્યું છે કે આ નુકસાન શારીરિક અને આર્થિક નહીં પણ માનસિક રીતે આધાત આપનારું છે. મૃતકોમાં માસૂમ બાળકોના મૃતદેહ પણ છે. રાષ્ટ્રપતિના દીકરાને ઈજાગ્રસ્તોના હાલચાલ પૂછતા હોસ્પિટલમાં જોવા મળ્યા હતા.
ઈક્કેટોરિયલ ગિનીની આબાદી 14 લાખની આસપાસ
ઉલ્લેખનીય છે કે ઈક્કેટોરિયલ ગિની લાંબા સમય સુધી સ્પેનના ઉપનિવેશ તરીકે રહ્યું છે. આ આફ્રિકી દેશમાં ઓબિયાંગનું લાબા સમય સુધી શાસન રહ્યું છે. અહીંની આબાદી 14 લાખની આસપાસ છે. વધારે આબાદી ગરીબી રેખાની નીચે જીવન વીતાવે છે.
WARNING: GRAPHIC CONTENT - The death toll from a series of explosions in a military barracks in Equatorial Guinea has risen, the health ministry said after volunteers searched the rubble for bodies https://t.co/hTdOJGTbP8pic.twitter.com/6rpnvbrF6R
રાષ્ટ્રપતિ તિયોદોરો ઓબિયાંગે જાણકારી આપી છે જે વિસ્ફોટ સૈન્ય અડ્ડા પર થયો તે ડાયનામાઈટના ઉપયોગ સાથે જોડાયેલી બેદરકારીના કારણે થયો છે. રાષ્ટ્રપતિ તિયોદોરો ઓબિયાંગે પહેલા સૂચના આપી હતી કે 15 લોકોના મોત થયા છે અને 500 લોકો ઘાયલ છે. પરંતુ સ્વાસ્થ્ય મંત્રાલયે બાદમાં કહ્યું કે બાટા શહેરમાં એક બાદ એક વિસ્ફોટમાં 17 લોકોના મોત થયા છે અને 400 લોકો ઘાયલ છે.
કાટમાળના ઢગલામાંથી લાશો ખેંચી રહ્યા છે લોકો
રિપોર્ટમાં એમ પણ લખવામાં આવ્યું કે લોકોને વિસ્ફોટના કાટમાળમાંથી લાશોને ખેંચતા જોવા મળ્યા છે. સોશિયલ મીડિયા અને કેટલીક સરકારી ટીવીમાં આ ઘટનાના ધમાકાની તસ્વીર સામે આવી છે. જેને જોઈને અદાજો લગાવી શકાય છે કે આ કેટલો મોટો વિસ્ફોટ હતો. તસ્વીરમાં બાટા શહેરની ઉપર મોટા ઘૂમાડાના કાળા વાદળો નજરે પડી રહ્યા છે. ઘટનાસ્થળ પર રાહત અને બચાવ કાર્ય ચાલુ છે.